Свет
Уапсен Израелец кој има седумнаесет „сопруги“
Шеесетгодишниот Израелец од Тел Авив, кој живее со 17 „сопруги“ и има 40 деца, е уапсен на почетокот на оваа недела поради сомнеж дека држел како робови, силувал и сексуално малтретирал малолетници, соопшти израелската полиција
Полицијата отвори истрага против осомничениот Гоел Рацона, кој себеси се смета за духовен гуру, откако една од неговите „сопруги“ се пожалила на малтретирање. Сите 17 жени се исто така притворени поради испрашување и заедно со децата се привремено згрижени, пренесе Tanjug.Во истрагата учествувале десетина полициски детективи и преку 150 вработени во социјалните служби, кои заклучиле дека има доволно докази за да се гони Рацона.Тој, наводно, ја држел својата фамилија под строга дисциплина, но тврдел дека жените и децата доброволно живеат со него.Пред нешто повеќе од една година, израелскиот ТВ канал 10, го емитуваше документарецот за Рацон и неговите многубројни жени, што привлече внимание кај израелската јавност и критика откако кажал дека имало неколку масовни обиди за самоубиство бидејќи некои жени мислеле дека ќе ги напушти. Жените на филмот признале дека би извршиле масовно самоубиство доколку некој се обиде да го повреди нивниот лидер.Во страв од ваквиот потег, полицијата веднаш испратила социјални работници и психолози во домот на Рацона со што би се избегнала хистеријата после неговото апсење.На жените им било забрането да комуницираат со мажи, да бидат во физички контакт со своите фамилии, да јадат месо, да пушат, да пијат алкохол и да се облекуваат нескромно.Следбениците на Рацона го сметале за спасител на универзумот, а неговото име на хебрејски значи токму тоа.Жените му припишувале божествени и натприродни способности и многу од нив го истетовирале неговото име на на своите тела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.