Македонија да продолжи со реформите потребни за членство во Европската Унија и тие не треба да бидат во заложништво на спорот со името, вели полскиот амбасадор Карол Бахура во интервју за Радио Слободна Европа.

Македонија да продолжи со реформите потребни за членство во Европската Унија и тие не треба да бидат во заложништво на спорот со името, вели полскиот амбасадор Карол Бахура во интервју за Радио Слободна Европа.Вели дека надминувањето на спорот со името не е задача на меѓународната заедница, туку на Македонија и Грција под покровителство на Обединетите Нации.„Нашиот став е дека Полска ќе прифати било какво решение кое ќе се постигне под закрилата на Обединетите нации и би биле многу среќни ако се постигне решение што е можно побргу. Како и да е, за во меѓувреме, имаме една изрека во Полска – ако вратите се затворени влезете преку прозорец. Мислам дека некои работи не треба да бидат во заложништво на спорот со името. Постојат одредени реформи кои треба да се спроведат во земјава без оглед на тоа дали сакате да бидете земја членка на Европската унија и НАТО. Македонија е дел од европскиот континент. Од тука има и обврски за земјата, посебно во 21 век. Сметам дека реформите во областа на судството, јавната администрација, имплементацијата на законите и политичкиот дијалог треба да се продолжат и треба да се имплементираат“, вели Бахура за Радио Слободна Европа.Полска од 1-ви јули го презеде претседателството со Европската Унија. /крај/rfe/ач