Економија
Еден долар е годишната плата на новиот извршен директор HP
Основаната годишна плата на новиот извршен директор на компанијата „Hewlett-Packard“, Мег Витман, која минатата седмица на оваа позиција го замени Лео Апотекер, ќе изнесува еден американски долар
Основаната годишна плата на новиот извршен директор на компанијата „Hewlett-Packard“, Мег Витман, која минатата седмица на оваа позиција го замени Лео Апотекер, ќе изнесува еден американски долар, се наведува во документите што компанијата ги предала во Комисијата за хартии од вредност и берзи на САД.Мег Витман со тоа се приклучи на низата членови од раководствата на ИТ-компании, кои своите приходи ги врзуваат во директна зависност од успехот на компанијата и профитабилноста на нејзините акции. Во 1997 година, таква плата си востанови основачот и поранешен извршен директор на „Apple“, Стив Џобс, кој исто така се откажа од сите фиксни бонуси. Основна плата од само еден долар добиваат и ко-основачот на „Google“, Сергеј Брин, сегашниот извршен директор на интернет гигантот Лари Пејџ и директорот на одборот на директори на „Google“, Ерик Шмит, како и извршниот директор на „Cisco“, Џон Чејмберс и првиот човек на „Oracle“, Лари Елисон.Како дополнување на основната плата, Витман можат да добие бонус од 2,4 милиони долари и по 2012 година, доколку компанијата покаже добри резултати. Покрај тоа, неа и’ е отворена можноста за купување на 1,9 милиони акции на „HP“ во рок од осум години, доколку таа може да постигне раст на акции на компанијата од 120 отсто.Апотекер, претходникот на Витман, беше генерален директор на „HP“ помалку од11 месеци. За време на неговиот мандат вредноста на акциите на „HP“ падна речиси на половина. Непосредно пред неговото разрешување, тој презема некои непопуларни одлуки меѓу акционерите – поделба на компјутерскиот бизнис во посебна компанија, купување скап девелопер за софтверот Autonomy за 10,25 милијарди и затворање на секторот за мобилна опрема.И покрај тоа, тој ќе добие отпремнина од 7.2 милиони долари и дополнително 2,4 милиони долари како годишен бонус. Апотекер исто така го задржува својот удел во „HP“, кој во петокот беше проценет на 3,5 милиони долари. На крајот, компанијата ќе го компензира неговото преселување од Калифорнија во Франција или во Белгија.Според аналитичката компанија IDC, „Hewlett-Packard“, и покрај актуелната стагнација е лидер на глобалниот компјутерски пазар. Во 2010 година, таа доставила 64,2 милиони компјутери. Нејзиниот најблизок конкурент според овој показател „Dell“, за истиот период, успеал да достави 43,4 машини./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Биткоинот поскапе на 61.710 евра, инвеститорите се претежно оптимисти за понатамошниот раст
Биткоинот поскапе за 0,53 отсто на 61.710,57 евра денеска во 15:30 часот на најголемата светска берза за криптовалути Binance.
Вкупниот обем на тргување со биткоин во последните 24 часа изнесува 21,42 милијарди евра, што е значително повеќе од вчера.
Инвеститорите се претежно оптимисти за понатамошниот раст на Биткоин.
Економија
Нови цени на дизелот и бензините од полноќ
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 1,27 % во однос на одлуката од 16.5.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,601 %, кај дизелот 0,751 %, кај екстра-лесното масло 1,310 % и кај „мазутот“ намалувањето е 2,450 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,368 %.
Малопродажната цена на бензинот ЕВРОСУПЕР БС-95 се намалува 1,50 денар/л.
Малопродажните цени на бензинот ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство (ЕЛ-1) се намалуваат 1,00 денар/л.
Малопродажната цена на „мазутот М-1 НС“ се намалува 0,306 денари/кг и сега ќе изнесува 42,629 денара/кг.
„Напоменуваме дека ова се максималните цени на нафтените деривати од 00.01 часот на 21.5.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
РЕС е најголем снабдувач со струја на слободниот пазар, објави Регулаторната комисија за енергетика
РЕС е најголем снабдувач со струја на слободниот пазар и најголем дел од стопанството добива електрична енергија од РЕС, објави Регулаторната комисија за енергетика.
РЕС (Renewable Energy Supply) сам држи речиси една третина од пазарот, а другиот дел го делат други 20 снабдувачи.
Во 2023 година РЕС продал 609.771 MWh електрична енергија или 28,84 % од вкупната енергија на слободниот пазар, а во снабдувањето на големите субјекти држи дури 34 % од пазарот.
Освен на големите потрошувачи, РЕС им дава исклучително поволни и поевтини понуди за снабдување и на малите потрошувачи и нивниот број во балансната група на РЕС постојано расте, особено од почетокот на 2024 година.
Компанијата во моментот бележи уште повисоки резултати и снабдува над 900 клиенти, со предвидена годишна количина од речиси 700.000 MWh електрична енергија.
РЕС е формиран 2022, а годинава се најде на листата на топ-100 компании со најголема добивка во 2023 година.
ПР