Свет
Трифун ќе го легализира Шпанско село
Дивата населба Шпанско село требаше да биде урната уште пред две години. Градежната инспекција и Министерството за транспорт и врски само наоѓаа разни изговори за да го одбегнат уривањето.
ЌЕ СЕ ПРАВИ РЕВИЗИЈА НА ГЕНЕРАЛНИОТ УРБАНИСТИЧКИ ПЛАН НА СКОПЈЕ
Дивата населба Шпанско село требаше да биде урната уште пред две години. Градежната инспекција и Министерството за транспорт и врски само наоѓаа разни изговори за да го одбегнат уривањето.
Градоначалникот Трифун Костовски вчера најави дека Генералниот план на град Скопје – ГУП ќе се менува, а дивата населба наречена Шпанско село и онаа во парк-шумата Гази Баба се едно од прашањата кои ќе бидат предмет на таа ревизија. Со оваа изјава, Костовски втор пат меѓу редови најави легализација на овие диви куќи кои се во заштитниот појас и за чија изградба се сечеше шумата и се срамнуваше брдото.
“Со проширувањето на Скопје се наметна потреба од ревизија на ГУП. Тој е изменет и не се почитува. Ќе видиме дали ќе има ревизија или ќе се оди на изработување на нов ГУП. Предмет на ревизијата ќе бидат и парк-шумата Гази Баба и Шпанското село”, изјави Костовски.
На последната прес-конференција, на новинарско прашање дали Градот и градоначалникот се свесни дека со овој потег го охрабруваат дивоградењето во Скопје и го уништуваат Водно, портпаролот Маја Мухиќ изјави дека се уште не се знае дали овие населби ќе се легализираат, но доколку тоа се случи, таа потенцираше дека “оваа администрација нема да дозволи повторна дива градба”.
Како што веќе две години се пишува, дивата населба Шпанско село требаше да биде урната уште пред две години. Градежната инспекција и Министерството за транспорт и врски само наоѓаа разни изговори за да го одбегнат уривањето. Од Министерството дури изработија и елаборат во кој има детален опис со дигитална фотографија за секој објект поединечно. Со овој елаборат беше утврдено дека треба да се урнат вкупно 78 објекти кои се надвор од границите на ГУП и немаат можност за легализација.
Државата молчеше и не презема никакви мерки и за дивиот водовод изграден за потребите на Шпанско село. Скопјани обвинуваа дека оваа влада, а сега градската гарнитура, не само што немаат волја да ја заштитат парк-шумата туку и дека се директни режисери на уништувањето на Скопје од градежните криминалци.
Луксузните зданија, кои Костовски има намера да ги легализира, трајно ќе ја оштетат парк-шумата Водно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: Бајден е решен да постигне примирје и договор за заложниците во Газа
Американскиот претседател Џозеф Бајден е решен да постигне прекин на огнот во Газа и договор за заложниците со Хамас, а во исто време се обидува да ги деескалира тензиите на границата на Израел со Либан, изјави денеска советникот за национална безбедност на Белата куќа, Џејк Саливан.
„Тој, апсолутно, не се откажа“, рече Саливан во интервју за MSNBC неколку часа пред Бајден да се обрати пред Генералното собрание на ОН последен пат како претседател на САД.
Бајден ќе работи со светските лидери собрани во Њујорк за да се постигне договор за прекин на огнот и заложниците во Газа за да се спречи сеопфатна војна на Блискиот Исток, рече Саливан, пренесе „Ројтерс“.
Тој призна дека има предизвици во постигнувањето на конечната цел кога станува збор за израелскиот премиер, Бенјамин Нетанјаху, и лидерот на Хамас, Јахја Синвара, но додаде дека Хамас и Синвар особено не сакаат да постигнат договор.
„Но, ние сме решени да продолжиме со тоа“, рече Саливан.
Според него, конфликтот со Хезболах на северната граница на Израел се спремапе, растеше и стагнира од 7 октомври и сега расте.
„Но, ние го спречивме тоа во тие претходни скокови и верувам дека сè уште можеме да најдеме начин да постигнеме деескалација меѓу Израел и Либан и да донесеме дипломатско решение, што ќе им овозможи на луѓето да се вратат во своите домови“, рече Саливан.
Свет
Белата куќа ги повика Американците да го напуштат Либан додека сè уште се достапни летовите
Портпаролот на Белата куќа за национална безбедност, Џон Кирби, денеска, изјави дека Американците во Либан треба да ја напуштат таа земја додека сè уште се достапни летовите поради ескалацијата на насилството меѓу Израел и Хезболах по должината на израелско-либанската граница.
„Сакаме со сигурност да кажеме дека сè уште има комерцијални летови за Американците да заминат, а оние што се во Либан треба да заминат сега додека тие опции се сè уште достапни“, рече Кирби за Еј-би-си додавајќи дека американските власти се во постојан контакт со своите израелски колеги, пренесува „Ројтерс“.
Либанското Министерство за здравство соопшти дека, според новиот биланс, од понеделникот во израелските напади врз Либан загинале 558 лица, од кои 50 се деца, а 94 се жени, а 1.835 лица се ранети, пренесува „Танјуг“.
Свет
(Видео) Жесток напад на Бејрут
ИДФ потврди дека штотуку извршила насочен воздушен напад врз Бејрут.
The Israel Defense Force has announced that a Targeted Strike, likely on a Senior Hezbollah Leader, was carried out against Beirut. pic.twitter.com/Rrz79C4iNQ
— OSINTdefender (@sentdefender) September 24, 2024
Либанското Министерство за здравство потврди дека од понеделникот во израелските напади загинале 558 луѓе. Според министерот за здравство, Фирас Абијад, меѓу жртвите има и 50 деца.
Во најновиот извештај за последиците од израелските напади во понеделникот, либанскиот министер за здравство, Фирас Абијад, рече дека 1.835 лица се повредени во нападите. Тој додаде дека медицинскиот персонал работел „над нивните можности за да се грижи за сите пациенти“.