Спорт
СП Италија 1934
Второто Светско првенство во фудбал се одржало во Италија од 27 мај до 10 јуни, на кое повторно победува домаќинот. Италија станува светски првак по победата над Чехословачка со 2:1, трета е Германија
Квалификации за второто Светско првенство играле 32 репрезентации од целиот свет, а шеснаесет учествувале на завршниот турнир.
Бранителот на титулата од Свтското првенство 1930, Уругвај одбила да учествува на вториот турнир во знак на протест затоа што повеќето европски репрезентации одбиле да патуваат за Уругвај на првото Светсо првенство. Никогаш потоа не се слчило бранителот на титулата да одбие да учествува на следниот мундијал.
Уште еден занимлив податок за Светското Италија 1934 е што домаќинот, Италија, играла квалификации, па ФИФА веднаш по ова првенство, а пред следното во Франција, одлучува домаќинот автоматски да се квалификува.
Само десет од 32 репрезентации кои играле квалификации не биле од Европа за турнирот во Италија, а во шеснаесетте квалификувани само четири не биле од Европа (Бразил Аргентина, САД и Египет).
Првенството се оджало на осуим стадиони низ Италија, во Болоња. Фиренца, Џенова, Милано, Рим, Трст и Торино.
Турнирот се играл по системот на купови. Во случај на нерешен резултат се играат продолжетоци, а ако и после нив резултатот е изедначен, натпреварот се преигрува. Така биле преиграни четвртфиналните натпревари меѓу Италија и Шпанија и Чехословачка и Швајцарија.
Финалето меѓу Италија и Чехословачка се одиграло на стадионот на Националната фашистичка партија. Во регуларното време резулататот бил изедначен 1:1, а по продолжетоците Италија дава уште еден гол за победа.
Италијанскиот водач, Бенито Мусолини го искористил мундијалот за промоција на национализмот и фашистичката партиија, а не чудио ни фактот што судиите суделе во корист на Италија. За такво судење, судијата Рене Мерсет добил и доживотна забрана за судење, поради фаворизиња на домаќинот во натпреварот против Шпанија.
За најдобар стрелец е прогласен Олдржих Неједли, која ја добива Златната копачка, а најдобар играч не е биран. Вкупно се постигнати 70 голови, а првенството на трибините го следеле 358.000 луѓе.
Репрезентацијата на Кралството Италија на домашен терен станува шампион, но квалитетот го покажува и со победите во 1936 година на Олимписките игри и со одбрана на титулата на следното Светско првенство во Франција 1938 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Себаљос го напушта Реал, се договорил со Атлетико
Дани Себаљос по завршувањето на сезоната ќе го напушти Реал Мадрид. Шпанските медиуми тврдат дека тој карирата ќе ја продолжи во Атлетико, градскиот ривал на Реал.
Себаљос, во Реал пристигна во 2017 година, како МВП на Европското првенство за фудбалери до 21 година. Но, во конкуренцијата каква што владее во Реал, во редт за врска, не успеа да се избори за место во тимот.
Реал го испраќање на позајмици, најпродуктивен беше во Арсенал, но „тобџиите“ сепак не го откупија неговиот договор.
Оваа сезона, тренерот Карло Анчелоти воопшто не смета на него. Минатиот петок го започна натпреварот против Реал Сосиедад, откако претходно во целата сезона одигра само пет минути во првенството.
Незадоволен од статусот и по разговорот со Анчелоти, добил дозовола да го напушти клубот.
Шпанските медиуми тврдат дека тој веќе се договорил со Атлетико. Сега челниците на „јорганџиите“ ќе треба да се договорат со реал околу обесштетувањето. Се шпекулира дека сумата би требала да биде помеѓу 8 и 10.000.000 евра.
Низ историјата ретки се трансферите на реалција Реал-Атлетико и обратно. Последен таков трансфер се случи во 2019 година, кога Маркос Љоренте за 30.000.000 милиони евра од Реал се пресели во Атлетико.
Спорт
Шок во Минхен, Рагник не сака да биде тренер на Баерн
Ралф Рагник сепак нема да биде тренер на Баерн Минхен. Кристијан Фалк, веројатно најпознатиот инсајдер кога станува збор за она што се случува во германскиот великан, тврди дека 65-годишниот стратег решил да се заблагодари на понудата и да ја продолжи работата како селектор на Австрија.
Баерн Минхен по завршувањето на сезоната ќе остане без Томас Тухел. Резултатите му пресудија на тренерот и тој ќе го напушти клубот, дури и да ја освои Лигата на шампионите.
Баварците, од јануари, се бво потрага по нов тренер. Најпрвин ги одби Чаби Алонсо, а потоа и Јулијан Нагелсман. Алонсо реши да остане во Баер Леверкузен, а Нагелсман го продолжи договорот со Фудбалскиот сојуз на Германија.
„Скај Спортс Германија“, вчера објави дека Рагник е во завршни преговори со Баерн.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави вчера претседателот Херберт Хајнер.
Преговорите со Рагник сепак не завршија поволно за Баерн. Тренерот решил да ја одбие понудата и да остане селектор на Австрија. Со Фудбалскиот сојуз на оваа земја тој има договор до 2026 година.
Спорт
Ванкувер ќе потроши 442 милиони долари за организација на Мундијалот
Проценетите трошоци за одржување на Светското првенство во 2026 година на „Би Си Плејс“ стадионот во Ванкувер, дупло се зголемиле во последните две години, изнесуваат 422 милиони долари.
Во март 2022 година беше најавено дека во Ванкувер ќе се одиграат пет натпревари на Мундијалот чии домаќини ќе бидат Канада, Мексико и САД. Во меѓувреме Меѓународната фудбалска федерација (ФИФА) го зголеми бројот на натпревари на седум.
Документот се наведени торошоците на градот и покраината, заедно со работите на стадионот. Во ажурираните проценки влегуваат и факторите за сместување, работењето и барањата по посетата на ФИФА, зголемените претпоставки за инфлација и трошоците за основните услуги во јавниот сектор.
„Се разбира, ќе има повеќе трошоци и повеќе приходи, но ако се прошири на долг рок, придобивките се огромни и тие повеќе од сигурно ќе го исплатат тој дефицит“, рече градоначалникот на Ванкувер, Кен Сим.
Владата на Британска Колумбија соопшти дека натпреварите ќе привлечат околу 350.000 фанови во покраината и ќе генерира повеќе од една милијарда канадски долари, околу 727 милиони долари во туризмот во петте години по турнирот.
За реновирање на стадионот „Би Си Плејс“ е планирана инвестиција од 142 милиони американски долари.