Спорт
Србија загуби во продолженија од Германија
Србија која и во вториот меч настапи без казнетите Крстиќ и Теодосиќ дури по две продолженија загуби од Германија со 81:82 во второто коло од А групата на СП во Турција.
Србија која и во вториот меч настапи без казнетите Крстиќ и Теодосиќ дури по две продолженија загуби од Германија со 81:82 во второто коло од А групата на СП во Турција. Во регуларниот дел овој израмнет меч заврши со 69:69. Во првото продолжение двете екипи постигнаа по четири поени, а во второто извонредниот центар на Германија Јан Јагла (213 см) кој беше МВП на натпреварот (22 п. 9 ск. 4 ас.) ја постигна решавачката тројка во самиот финиш со која неговиот тим обезбеди победа. Во оваа група Аргентина со маки ја победи Австралија со 74:72, а Ангола го совлада Јордан со 79:65. Во групата Б во Истанбул, Словенците очекувано загубија од САД (77:99), Хрватска го совлада Иран (75:54), а Бразил лесно излезе на крај со Тунис (80:65). Во Групата Ц Кина го победи Брегот на Слонова Коска со 83:73. Порторико загуби од Грција со 80:83, а во грчкиот тим по овој меч во составот се враќаат казнетите Скорцијанидис и Царцарис. Турција ја искористи предноста на домашната публика и ја совлада Русија со 65:56. Во Д групата Литванија и го нанесе вториот пораз на Канада (70:68), а во останатите два меча Франција без проблеми го совлада Либан (86:59), а Шпанија му „брцна“ стотка на Нов Зеланд (101:84). Група А: Аргентина 4, Србија 3, Германија 3, Ангола 3, Австралија 2, Јордан 2. Денес играат: Јордан – Србија (15,30), Австралија – Германија (18,оо), Ангола – Аргентина (20,30). Група Б: САД 4, Бразил 4, Словенија 3, Хрватска 3, Иран 2, Тунис 2. денес играат: Словенија – Хрватска (15,30), Тунис – Иран (18,оо), САД – Бразил (20,30). Група Ц: Турција 4, Грција 4, Кина 3, Русија 3, Порторико 2, БСК 2. Денес играат: Русија – БСК (15,оо), Порторико – Кина (17,30), Грција – Турција (20,оо). Група Д: Франција 4, Литванија 4, Шпанија 3, Либан 3, Канада 2, Н. Зеланд 2. Денес играат: Н. Зеланд – Либан (15,оо), Франција – Канада (17,30), Шпанија – Литванија (20,оо).крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вилбекин трагичар, Монако избори мајсторка
Кошаркарите на Монако го совладаа Фенербахче на гости со 65:62 во четвртиот натпревар од четвртфиналната серија на плеј-офот во Евролигата и се изборија за мајсторка.
Да потсетиме, само Реал Мадрид досега се пласираше на завршниот турнир во Берлин, додека петтиот натпревар ќе го даде победникот и во сериите меѓу Барселона и Олимпијакос, односно Панатинаикос и Макаби.
Исклучително возбудлив натпревар, во кој доминираа одбраните одиграа фенер и Монако.
На крајот Монако победи со многу среќа. Малку фалеше Мајк Џејмс наместо еден од хероите на победата на Монако да биде трагичар. Американецот постигна тројка на 51 секунда до крајот, на гостите 61:57.
Во меѓувреме погодија Вилбекин и Хол, а потоа Марко Гудуриќ со својата тројка ги доведе возбудувањата до точка на вриење. Фенер на 18 секунди до крајот се доближи на 62:63.
Следуваше кулминација на истанбулската драма, Џејмс во предвидените пет секунди не успеа да ја уфрли топката во игра, па Фенер имаше речиси цел напад да ја обезбеди победата,
Вилбекин ја презеде одговорноста, имаше многу време да размисли како ќе ја нападне одбраната на Монако, се обиде да заврши со флотер и промаши.
Топката му припадна на Монако, а Хол со забивање стави точка на натпреварот.
Кај Фенербахче најефикасен беше Марко Гудуриќ со 14 поени (3/3 за три).
Ели Окобо ги предводеше гостите со 13 поени, додека Мотијеунас и Џејмс мечот го завршија со по десет поени.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.