Македонија
Собранието доби преодна оценка од граѓаните
Оценката на граѓаните за работата на нивните претставници во македонскиот парламент е 2,4.
Ова го покажа телефонската анкета спроведена во периодот од 11 до 16 ноември оваа година меѓу 1.105 испитаници.
Анкетата чија цел беше да се измерат перцепциите на граѓаните на земјава за работата на Собранието ја спроведе Институтот за демократија во рамките на проектот за зајакнување на капацитетите на Парламентот на Венстминстер фондацијата за демократија.
Во однос на анкетите од јануари 2010 и јули 2009 се забележува намалување на средната оценка за работата на Собранието.
Според Владимир Мисев од Институтот за демократија кој ги презентираше резултатите од истражувањето тоа е причина од последните настани што се случуваа во Парламентот почнувајќи од првојулскиот инцидент и бојкотот на работата на Парламентот од страна на одредени опозициски партии.
Тој предупреди дека телефонските анкети мора да се земат малку со резерва и оти следните истражувања на јавното мислење најверојатно ќе бидат направени теренски.
Анкетата покажува дека најголем скок во позитивна насока во однос на јануарската анкета има оценката за водењето на седниците од страна на претседателот на Собранието Трајко Вељаноски. Дури 49,2 отсто од анкетираните се изјасниле позитивно за работата на спикерот Вељаноски, што претставува скок од 15 отсто во однос на јануари 2010 кога процентот изнесувал 35 отсто. Негативно за работата на спикерот се изјасниле 34 отсто од анкетираните, а без одговор биле 16,7 отсто.
Граѓаните оценуваат дека работата на Парламентот како делумно ефикасна – 41,6 отсто, а исто така висок е процентот и на оние кои се изјасниле дека таа целосно не е ефикасна – 26,7 отсто.
Граѓаните негативно ја оцениле работата и дискусиите на пратениците на пленарните седници и комисиските расправи и оти поголема иницијативност треба да покажат преку изготвување и предлагање на закони.
Поголем дел сметаат дека пратениците од нивната изборна единица не се достапни за нив и оти не се покренуваат иницијативи за проблемите со кои се соочува општината од каде што доаѓа избраникот.
Мисев смета дека во однос на достапноста на пратениците до граѓаните оценката се уште е негативна, но зголемување на процентот во однос на анкетите правени во јануари оваа година и лани се зголемува што претставува охрабрување.
На прашањето дали сметате дека Собранието е отворено за јавноста, 55 отсто од испитаниците одговориле позитивно, додека 37,4 отсто сметаат дека тоа не е отворено за јавноста.
За контролата на Собранието врз Владата 54 отсто од граѓаните сметаат дека таа е мала, 30 отсто сметаат дека таа е соодветна, а само 8,2 отсто дека таа е голема.
Анкетираните сметаат дека собраниските комисии треба да вршат надзор врз спроведувањето на законите од страна на министерствата.
Речиси 87 отсто од анкетираните сметаат дека комисиите во Собранието треба да вршат надзор врз спроведувањето на законите од страна на министерствата. 55,8 отсто од анкетираните ценат дека во последните месеци комисиите имаат значајна улога во работата на Собранието, додека 32,5 отсто одговориле со „не“.
Граѓаните одговориле дека делумно ја следат работата на комисиите во Собранието – 48,3 отсто, но висок е и процентот на оние коишто воопшто не ја следат – 43,2 отсто.
Македонските граѓани ретко имаат навика да гледаат собраниски канал и сметаат дека информациите кои ги добиваат преку медиумите им се доволни за да бидат во тек со најважните законски промени.
Дека се запознати со работата на Собранието на Република Македонија одговориле 51,5 отсто од испитаниците, а дека не се 46,6 отсто.
Проектот за зајакнување на капацитетите на Собранието кој се спроведува од страна на Вестминстер фондацијата за демократија како што информираше раководителот на програмата Емил Атанасовски е поддржан од страна на Британската амбасада во македонија./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.