Свет
Отстранети околу три четвртини нафта од Мексиканскиот залив
Повеќе од три четвртини нафта што се излеаја во Мексиканскиот залив по експлозијата на една од платформите пред повеќе од два месеца, веќе е отстранета, соопшти денеска Белата куќа.
Повеќе од три четвртини нафта што се излеаја во Мексиканскиот залив по експлозијата на една од платформите пред повеќе од два месеца, веќе е отстранета, соопшти денеска Белата куќа.
Експертите велат дека околу 25 проценти од нафтата се уште не е собрана, изјави Керол Браунер, советник на американскиот претседател Барак Обама за енергетски прашања и животна средина.
Како што пренесува Њујорк тајмс (New York Times) во заклучокот на американската известувачка служба наведено е дека околу 26 отсто од излеаната нафта се уште е во океанот, но дека брзо ќе се распадне.
Останатите три четвртини испариле или се собрани и отстранети на поинаков начин, стои во извештајот.Поголем дел од нафтата е собрана, додека на брегот се уште има остатоци, но како што рекла Браунер, не во толкави размери како претходно.
Вкупно 4,9 милиони барели (780 милиони литри) нафта истекоа од оштетената платформа во Мексиканскиот залив. Досега се собрани околу 800 илјади барели нафта.
Истекувањето на нафтата е спречено на 15. јули, кога беше затворена оштетената бушотина./крај/BBC/бч/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.