Свет
Јапонците се уште се борат со радијацијата
Јапонскиот премиер Наото Кан денеска положи венец со жолто цвеќе во Меморијалниот парк на мирот во Хирошима, по повод 66-годишнината од нападот во кој што САД на денешен ден 1945 година фрлиле атомска бомба
Јапонскиот премиер Наото Кан денеска положи венец со жолто цвеќе во Меморијалниот парк на мирот во Хирошима, по повод 66-годишнината од нападот во кој што САД на денешен ден 1945 година фрлиле атомска бомба на овој град.
Кан повтори колку е важно никогаш да не и се случат такви ужаси на Хирошима, град кој што и денеска ги преживува последиците од атомскиот напад, поради болестите предизвикани од изложеноста на радијација, кои се пренесуваат низ генерации. Насобраните граѓани денеска околу главите имаа будистички бројаници, а во знак на комеморацијата беа пуштени гулаби пред костурницата во Хирошима.
Јапонија се уште се бори со последиците од оштетувањата на неколку нуклеарни централи по катастрофалниот земјотрес во март оваа година. Најтешка е ситуацијата во централата Фукушима која после потресот претрпе најголеми оштетувања.
Бројните последователни потреси оневозможија санирање на ситуацијата, а јапонските власти и денеска се борат со зголеменото ниво на радијација, особено на североистокот на земјата, делот кој најмногу беше на удар на земјотресот.
Јапонскиот премиер говорејќи за хаваријата во Фукушима го повтори ветувањето дека земјата во иднина повеќе ќе се потпира на обновливи извори на енергија, а помалку на нуклеарна енергија.
„Јапонија, исто така, работи на тоа да ја ревидира својата енергетска политика од корен. Длабоко ми е жал поради вербата во безбедносниот мит за нуклеарната енергија“ порача Кан.
Градоначалникот на Хирошима, Казумик Мацуи не се заложи земјата да биде без нуклеарна енергија, но го повтори ветувањето дека ќе се залага за свет без атомско вооружување.
Тој меѓутоа укажа на тоа дека довербата на луѓето во безбедноста на нуклеарната енергија е разнишано.
„Некои тежнеат по одрекувањето од нуклеарната енергија, уверени дека човештвото не може да постои заедно со него, додека други бараат строги прописи за користење на нуклеарна енергија и поголемо потпирање на обновливите извори на енергија“ порача Мацуи.
Првиот напад со атомска бомба во историјата беше одбележан ноќеска нешто после полноќ по средно европско време, со едноминутно молчење, во моментот кога бомбата на 6 август падна на Хирошима, три дена пред САД да фрлат иста бомба на Нагасаки.
Во напaдите беа скоро потполно уништени овие два града, а беа убиени повеќе од 200.000 лица. Голем број луѓе умреа по нападите поради изложеноста на радијација.
Нападите ја забрзаа капитулацијата на Јапонија и официјалниот крај на Втората светска војна, на 2 септември 1945 година./крај/бл/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Русија изврши голем воздушен напад врз Украина, погодени четири термоцентрали
Русија изврши уште еден голем воздушен напад врз цели низ Украина со бомбардери Ту-95МС и Ту-92М3, тактички авиони, бродови од Каспиското Море, беспилотни летала. Целите беа главно енергетски објекти, а експлозии се регистрирани во областите Харков, Киев, Хмелницки, Виниција, Ивано-Франковск, Житомир, Дњепропетровск, Тернопил, Черновци, Лавов…
Министерот за енергетика Герман Галушченко потврди напади врз индустриски капацитети во три региони на земјата, додека енергетскиот холдинг ДТЕК објави дека биле погодени четири термоцентрали.
– Опремата на четири термоцентрали на украинскиот енергетски холдинг ДТЕК е сериозно оштетена при нападот – објави компанијатa.
‼️росія атакувала 4 ТЕС ДТЕК, серйозно пошкоджено обладнання
Ворог вкотре масово обстріляв енергетичні об'єкти України.
За попередньою інформацією, на жаль, є постраждалі. Надаємо всю необхідну допомогу.
В ці хвилини енергетики намагаються ліквідовувати наслідки атаки. pic.twitter.com/M43OWYC7s9
— Офіційна сторінка Групи ДТЕК (@DTEK_Ukraine) April 27, 2024
Некои воени блогери наведуваат дека термоелектраната Бурштинска во Ивано-Франковската област и термоелектраната Криви Рог биле погодени од неколку хиперсонични „ками“.
Украина одговори со масовен напад со дрон врз Краснодар и Крим.
Министерството за одбрана на Русија соопшти дека во текот на ноќта биле соборени 68 украински беспилотни летала.
– Спречени се обидите на режимот во Киев да изврши терористички напади со помош на дронови врз цели на територијата на Руската Федерација. Војниците кои биле на должност над територијата на Краснодарската област пресретнале 66 украински беспилотни летала, додека уште два биле уништени над полуостровот Крим – се наведува во соопштението.
Цел на беспилотните летала камикази биле рафинериите Славјанск-ЕКО и Илски и фабриката за битумен.
Телеграмскиот канал SHOT наведува дека околу 4 часот одекнале експлозии во предградието Славјанск во Кубан. Снимките покажуваат пожар во еден од капацитетите на рафинеријата, додека официјални лица наведуваат дека складиштето за нафта не е оштетено.
Tonight, Ukrainian forces conducted another successful drone attack on the Russian Slavyansk-na-Kubani refinery in Krasnodar Oblast, with multiple drones hitting the facility.
Seen below, a Ukrainian one-way attack drone slams into the burning Russian refinery. pic.twitter.com/nZDqi2Bi0l
— OSINTtechnical (@Osinttechnical) April 27, 2024
Жителите известуваат дека звукот на моторите претходно се слушал на небото и дека експлозиите одекнувале речиси 30 минути.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.