Свет
ЕУ: Заштита од дискриминација
Европскиот нацрт-закон за забрана на дискриминација е одобрен во Комитетот за граѓански слободи во Европскиот парламент, објавено е во Брисел
Европскиот нацрт-закон за забрана на дискриминација е одобрен во Комитетот за граѓански слободи во Европскиот парламент, објавено е во Брисел.
Нацрт-законот за забрана на дискриминација во областа на образование, социјалната заштита, здравственото осигурување и во секторот на услуги, е изгласан во Комитетот со 34 гласови “за“, седум “против“ и четири “воздржани“.
Законот забранува дискриминација врз основа на години, инвалидитет, сексуална определеност, вера или религија во наведените области.
Европската унија (ЕУ) од 2000 година ја забрани оваа форма на дискриминација на работното место, но тоа не ја опфати и правната заштита во областа на јавните служби, куппување на производи или користење на комерцијални услуги.
Предлогот го поднесе Европската комисија (ЕК) минатиот јули, а нацрт-законот ќе биде ставен на гласање пред Парламентот на 1 или 2 април.
Новиот документ ги забранува овие облици на дискриминација во согласност со постоечките закони против расните и етнички предрасуди и обврската за еднаков однос кон мажите и жените./крај/ме/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.