Свет
Цветановски: Муратовски се служи со сталинистички методи
Ванчо Муратовски, претседателот на ССМ, користи сталинистички методи за да го спречи одржувањето на конгресот на членовите на Синдикатот на работниците во образованието, науката и културата (СОНК), обвини вчера Дојчин Цветановски, претседател на СОНК.
Ванчо Муратовски, претседателот на ССМ, користи сталинистички методи за да го спречи одржувањето на конгресот на членовите на Синдикатот на работниците во образованието, науката и културата (СОНК), обвини вчера Дојчин Цветановски, претседател на СОНК.
Тој соопшти дека претставници на ССМ завчера се обиделе насилно да влезат во просториите на СОНК во зградата на ССМ. Цветановски информира дека по налог на раководството на ССМ вчера „Македонски телекомуникации“ ги исклучиле телефонските броеви на СОНК. Во ССМ негираа дека се обиделе насила да влезат во овие простории.
– На 5 октомври – Светскиот ден на учителите, наместо да се слави и да се дебатира како да се развива образованието, ние се соочуваме со исклучување на телефоните и со обиди за насилно влегување во синдикалните простории – рече Цветановски.
Тој информира дека за да ги заштити синдикалните простории, ја ангажирал агенцијата за обезбедување „Лупус“. Според него, обезбедувањето на ССМ не им дозволило на лицата од „Лупус“ да влезат во синдикалната зграда.
– Ја ангажиравме оваа агенција бидејќи овие простории им припаѓаат на работниците од образованието, а не на ССМ. Затоа СОНК нема да се исели од зградата на ССМ – вели Цветановски. Препукувањата во зградата на ССМ настанаа откако Цветановски добил писмо од Веселинка Трајковска, претседателка на новоформираниот СОНК при ССМ, дека има рок од три дена да ги напушти просториите и да ги предаде печатите, деловната книга и целокупната документација на СОНК со образложение дека Цветановски и неговото раководство се разрешени од нивните функции и вршат злоупотреба на печатот на СОНК.
Цветановски вчера јавно побара средба со Љубомир Михајловски – Џанго, министер за внатрешни работи, за да го информира за репресивното и незаконско однесување на Ванчо Муратовски и на раководството на ССМ. Тој најави дека ќе побара од телекомот официјално да објасни зошто им биле исклучени телефоните. Во „Македонски телекомуникации“ велат дека тие биле исклучени бидејќи претставници со валидна документација и печат од СОНК побарале телефоните да бидат ставени во мирување. Според Цветановски, се работи за фалсификат на печатот и за незаконско дејствување на раководството на ССМ. В.Н.
ЗА НОВИНАРИТЕ ВЛЕЗ САМО СО ЛИЧНА КАРТА
Дојчин Цветановски, претседател на СОНК вчера одржа прес-конференција пред зградата на ССМ откако претставниците на Синдикалната агенција за обезбедување во ССМ ги легитимираа новинарите на влезот. – Во зградата влегуваат непознати лица за обезбедување, кои ги ангажира Цветановски, и поради тоа имаме нов режим, кој предвидува сите непознати лица на влезот во ССМ да ја остават личната карта и да пополнат формулар од кој ќе се види целта на нивната посета – рече Вера Бужаровска, управителка на обезбедувањето во ССМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.