Регион
БиХ би можела да се најде на меѓународната „црна листа"
Босанскиот министер за безбедност, Фахрудин Радончиќ изјавил дека Босна и Херцеговина (БиХ) би можела да се најде на „црната листа”, заедно со земјите како Иран или Северна Кореја.
Радончиќ изјавил дека блокадата на предлог законот за спречување на перењто пари и финансирањето на тероризмот, е лоша по имиџот и економијата на БиХ, па оваа земја би можела доста лесно да се најде на „црната листа”.
Радончиќ додал дека законот бил изработен од неговото министерство, но бил блокиран од членовите на Заедничката комисија за одбрана и безбедност од Република Српска.
Неусвојувањето на законот значи дека сите трансакции од БиХ, првенствено на економските субјекти, мора да поминат низ сложена и бавна проверка која би можела да го загрози производството, појаснил босанскиот министер.
Како пример, Радончиќ навел дека секоја уплата на компаниите од БиХ, наменета за земјите на ЕУ, во банките на Унијата ќе мора да помине низ детална проверка за да се утврди дали парите потекнуваат од сомнителни трансакции. Заедно со сето тоа, додал Радончиќ, контролата ќе се применува и на трансакциите на граѓаните од сите ентитети, пренесуваат сараевските медиуми.
Радончиќ објаснил дека членовите на заедничката комисија од Република Српска не дале согласност за предложениот законски акт, бидејќи сметаат дека со ова надлежноста на овој ентитет ќе биде пренесена на БиХ.
„Нивните ставови дека ние ќе им ја ‘одземеме’ надлежноста, не се реални”, рекол Радончиќ, појаснувајќи дека поради неусвојувањето на споменатиот закон земјата наскоро би можела да се најде на меѓународната „црна листа”, поради неисполнувањето на обврските во планот за борба против перењето на пари и финансирањето на тероризмот./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.