Спорт
Матеус доби отказ од селектор на бугарската фудбалска селекција
Бугарскиот фудбалски сојуз во понеделникот го смени од местото селектор Германецот Лотар Матеус, поради многу лошите резултати на бугарската репрезентација во квалификациите за Европското првенство што во 2012 година ќе се игра во Украина и Полска.
Бугарскиот фудбалски сојуз во понеделникот го смени од местото селектор Германецот Лотар Матеус, поради многу лошите резултати на бугарската репрезентација во квалификациите за Европското првенство што во 2012 година ќе се игра во Украина и Полска. Иако отказот за поранешниот капитен на фудбалската репрезентација на Германија, и успешен играч Лотар Матеус, се очекуваше многу порано, Бугарската фудбалска сојуз тоа го стори во понеделникот поради спротивставување на претседателот на Борислав Михајлов, кој сакаше Германецот докрај да го одработи договорот, односно до ноември, за да не треба да му се плати отштета. „Причините за смената се многубројни, а најголемата е сé поголемото незадоволство од селекторот во самата репрезентација. Матеус е известен за одлуката и тој тоа го прими мирно“, изјави Михајлов, кој пред неполн месец изјави дека Матеус ќе ја води бугарската селекција и во квалификациите за Светското првенство во 2014 година коешто во Бразил. Матеус беше првиот странец на кормилото на бугарската фудбалска репрезентација, којашто ја предводеше точно цела година. Меѓутоа, во квалификациската група за Евро 2012 во конкуренција со Англија, Швајцарија, Црна Гора и Велс, доживеа тотално фијаско, имено бугарија е на четвртото место со само три постигнати и 12 примени голови. Воопшто тренерската кариера на Матеус, за разлика од играчката, не е импресивна иако водеше многу клубови и репрезентации, како што се Рапид Виена, белградски Партизан, Атлетико Паранаенсе, Ред Бул, и репрезентациите на Унгарија и на Бугарија. Никаде не постигна позначаен успех и не се задржа долго време. Репрезентацијата на Бугарија на пријателскиот натпревар со Украина н а7-ми октомври и на последниот меч од квалификациите на 11-ти октомври со Велс, ќе ја предводи селекторот на младата бугарска репрезентација./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Галагер се враќа во Премиер лигата?
Конор Галагер би можел да се врати во Премиер лигата оваа зима
Како што откри Матео Морето, Астон Вила тргна во офанзива за неговиот потпис, бидејќи Англичанецот, не е во преден план кај тренерот на Атлетико Мадрид, Диего Симеоне.
Галагер нема ништо против враќање во Премиер лигата, Манчестер Јунајтед и Њукасл исто така покажале интерес, но само од Астон Вила покажале конкретен интерес.
Унај Емери не го доби засилувањето што го сакаше во Харви Елиот, кој ќе се врати во Ливерпул, па затоа Шпанецот сака нов играч од средниот ред, со различен профил.
Галагер има искуство во Премиер лигата, играше за Кристал Палас и Челзи, а претходно во кариерата беше дел од Чарлтон, Свонси, Вест Бромвич Албион.
Пред да замине за Шпанија, одигра 136 натпревари во Премиер лигата.
Атлетико Мадрид пред 18 месеци на Челзи му плати 42 милиони евра за Галагер. Се претпоставува дека „јорганџиите“, за него бараат околу 40 милиони евра.
Спорт
Алушовски го презеде Еурофарм Пелистер
Еурофарм Пелистер има нов тренер. На местото на Рубе Гарабаја, екипата до крајот на сеозната ќе ја предводи, поранешниот играч на овој клуб, Стевче Алушовски.
„Нашиот нов почеток во 2026 година е поврзан со добро познато име. Стевче Алушoвски е нов тренер на Еурофарм Пелистер и ќе ја води нашата екипа до крајот на оваа сезона. 53-годишниот тренер по неколку години се враќа во својот матичен клуб, во улога на тренер на шампионот на Македонија. Алушoвски во два наврати водеше клуб од Битола – Пелистер и Еурофарм Работник, а сега го презема тимот на Еурофарм Пелистер.
Нашиот прославен репрезентативец тренерската, како и играчката кариера, ја започна во Битола. Во мак-ракометот ги водеше Вардар 1961 и Охрид, а кратко работеше и во Исланд“. објави клубот на социјалните мрежи.
Новиот тренер првиот собир го закажа за в среда (14 јануари) во 17:00 часот.
Izvor/ facebook.com/hceurofarmpelister
Спорт
Раониќ официјално замина во пензија
Канадскиот тенисер Милош Раониќ (35) одлучи да ја заврши кариерата.
Раониќ, освои осум титули од турнири од пониски категории. Играше во финалето на Вимблдон во 2016 година, а се бореше за титулите на Мастерс турнирите во Синсинати, Индијан Велс, Париз и Торонто.
„Дојде моментот… Се повлекувам од тенисот. Ова е моментот за кој знаете дека еден ден ќе дојде, но некако никогаш не се чувствувате целосно подготвени за него. Тенисот ми беше љубов и опсесија поголемиот дел од мојот живот“, напиша Раониќ.
Негова најдобра година беше 2016 година. Покрај финалето на Вимблдон, каде во полуфиналето беше подобар од Роџер Федерер, тој играше и во полуфиналето на Отвореното првенство на Австралија и на Завршниот Мастерс, финалето на Индијан Велс и ја заврши годината на третото место.
„Мамо, тато, Јелена и Момир, вечно ви сум благодарен што во многу моменти ги ставивте вашите животи настрана за да имам можност да го остварам мојот сон. Ова стана реалност само благодарение на вас. Ништо од ова не би било можно без вашиот постојан напор и емоционалната поддршка што ја вложивте во моите соништа. Колку и да сум среќен што го пронајдов тенисот, тоа бледее во споредба со тоа колку сум среќен што ве имам вас како мои родители, сестра и брат. Се надевам дека ќе ги правам мојата сопруга и син горди секој ден и дека ќе можам да бидам семејство за нив, како што бевте вие за мене“, додаде тој, меѓу другото.
Последен пат играше на Олимписките игри во 2024 година во Париз, каде што загуби од Доминик Кепфер во првото коло.

