Свет
Кубанскиот дисидент Фаринас не може да отпатува по наградата на ЕУ
Кубанскиот дисидент, Гиљермо Фаринас изјави дека нема да може да допатува во Стразбур, каде треба да ја прими наградата за човекови права „Сахаров“, која ја доделува Европскиот парламент, бидејќи кубанските власти не му издале виза за патување во странство. Фаринас оваа година 135 дена штрајкуваше со глад, барајќи ослободување на сите политички затвореници во Куба. Штрајкот, 48-годишниот Фаринс го прекина во јули, кога Хавана, по договорот на претседателот Раул Кастро и Католичката црква, ослободи од затвор 52 лица. Досега на слобода е пуштен 41 затвореник, од нив 40 се согласиле да заминат во Шпанија. Европската унија(ЕУ) и САД долго време вршат притисок врз Куба за ослободување на политичките затвореници, како и на подобрување на човековите права и демократизација на земјата. Наградата „Сахаров“ која ќе биде доделена денес е востановена во 1998 година, и го носи името на починатиот советски дисидент Андреј Сахаров. Оваа награда досега двапати замина кај државјани на Куба: во 2002 година добитник беше Освалдо Пајо, а во 2005 година и е доделена на опозициската група „Жени во бело“. крај/блиц/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Свет
Русија загуби стратешки важен остров
Украина во неделата објави дека ја вратила контролата врз тактички важниот остров Нестрих. Капетанот Дмитро Плетенчук, портпарол на Јужната оперативна команда на украинските вооружени сили, изјави за украинската радио станица Хромадске Радио дека контролата на островот во реката Днепар во регионот Херсон значително ќе ги зголеми контрадиверзантските мерки на Киев.
Откако рускиот претседател Владимир Путин започна инвазија на Украина во февруари 2022 година, неговите сили брзо зазедоа големи делови од Херсон. Сепак, Украина започна контраофанзива во регионот подоцна истата година во која нејзината армија го ослободи северен Херсон на десниот брег на Днепар. Оттогаш, украинските сили започнаа редовни напади преку реката, вклучително и воспоставување на повеќе мостови на источниот брег во есента 2023 година.
Плетенчук изјави за радио Хромадске дека островот Нестриха, кој се наоѓа на околу 20 километри југозападно од градот Херсон, има „тактичко значење“. Тој додаде дека „битни се сите локации кои го спречуваат непријателот да се приближи до позициите“.
„Со оглед на тоа што непријателот вообичаено користи слични локации (всушност има многу такви острови на реката Днепар) за да се доближи и да постави минофрлачи, тогаш ова е првенствено важно за квалитетот на антидиверзантските мерки“, рече Плетенчук. „Значи, да, ова место е исчистено од непријателско присуство.
Свет
Четворица полицајци убиени во акција во САД, осомничениот пукал во нив
Четворица полицајци загинаа, а уште толку се повредени во престрелка во градот Шарлот во американската сојузна држава Северна Каролина. Според информациите од полицијата, убиен е и напаѓачот.
Началникот на полицијата, Џони Џенингс, на прес-конференција рече дека тројца од убиените полицајци се членови на американската оперативна група за бегалци, која ја сочинуваат полицајци од различни агенции.
„Четвртиот офицер беше Џошуа Ајер, кој служеше во одделот Шарлот-Мекленбург шест години“, рече Џенингс, додавајќи дека градот изгубил „херои кои само сакале да ја заштитат заедницата“.
Полицајците биле убиени додека биле на пат да апсат осуден криминалец.
„Тие стигнале до куќата каде што бил осомничениот, кога тој почнал да пука во нив“, рече Џенингс.
Полицајците возвратиле и осомничениот бил убиен во дворот.
Полицајците потоа отвориле оган во куќата. По тензичен судир, полицијата приведе две лица. Се верува дека најмалку еден од нив пукал кон полицијата.
Покрај четворицата убиени, Џенингс рече дека биле застрелани и четворица полицајци од Шарлот кои биле на местото на злосторството. Еден е во критична состојба, додека тројца се стабилни.