Црна хроника
Пес до смрт искаса три дена старо бебе
Американски стафорд териер тежок 44 килограми до смрт искаса три дена старо бебе кои со родителите било во креветот, соопшти во саботата градската полиција во Сан Диего.
Опишувајќи го овој трагичен случај, полицискиот наредник Ту Нгуен ко дошол на лице мести раскажал дека родителите биле во креветот со само што роденото момченце на коешто се нафрлил нивниот пес, 44 кгр тешкиот американски стафорд териер и почнал да го каса.
Родителите некако успеале да го одвојат детето од челуста на кучето, и итно го однеле во болница, но, за жал, му немаше спас, раскажал полицаецот.
Не сакал да каже како повреди му биле нанесени на детето, но изјавил дека верува оти кучето реагирало на ненадејно кашлање на мајката.
Одведено е во стационар за кучиња каде десет дена ќе мине во карантин, по што родителите на детето ќе можат да донесат одлука дали да се евтаназира нивниот двегодишен пес./кра/мф/сн.
Извор: Associated Press
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.