Црна хроника
Уапсени 14 лица за нелегална трговија со оружје на Балканот
Во периодот од 17-ти до 19-ти април, Генералниот секретаријат на Интерпол предводеше регионална операција наречена „Balkan Trigger“, насочена кон нелегалната трговија со огнено оружје во земјите од западен Балкан, која резултираше со лишување од слобода на 14 лица и заплена на експлозив, оружје и муниција, соопшти Министерството за внатрешни работи.
Во периодот од 17-ти до 19-ти април, Генералниот секретаријат на Интерпол предводеше регионална операција наречена „Balkan Trigger“, насочена кон нелегалната трговија со огнено оружје во земјите од западен Балкан, која резултираше со лишување од слобода на 14 лица и заплена на експлозив, оружје и муниција, соопшти Министерството за внатрешни работи.
Имено, околу 40 парчиња различно огнено оружје, 6 килограми експлозив, 11 рачни гранати и 1 300 парчиња најразлична муниција беа запленети во текот на операцијата „Balkan Trigger“ која траеше 48 часа и која беше спроведена од страна на 5.000 полициски службеници распоредени во земјите кои беа дел од оваа операција Македонија, Босна и Херцеговина, Хрватска, Србија, Словенија и Црна Гора. Поради зголемената загриженост за состојбата со недозволената трговија со огнено оружје од балканскиот регион во Европа, кое се користи за терористички напади, клучниот фактор за спроведување на оваа операцијата на Интерпол утврдување на силна мрежа за поефикасно сузбивање на овој вид на криминал. Околу 43.000 лица беа сопрени на граничните премини, транзитните патишта и посебно определените места за контрола, по должината на целиот регион, со повеќе од два милиони проверки извршени во дата-базите на Интерпол, вклучително и базите за потрага по лица, изгубени и украдени документи и украдени автомобили. „Неодамнешните терористички напади како во Европа така и во светот каде како примарно се користи повеќе огненото оружје од експлозивот, покажа дека потребно е да се направи поефективна контрола“, рече во своето обраќање Тим Морис, извршен директор во Интерпол. Целта на операцијата „Balkan Trigger“ е да се создаде цврста основа која ќе биде појдовна точка за понатамошните активности на земјите во борбата со нелегална трговија со огнено оружје. Исто така, во текот на операцијата беа запленети и 52 кгр марихуана, 14,5 кгр злато и 250.000 евра. Покрај полициските службеници кои дејствуваа во сопствените земји, во регионалниот координативен центар во Сараево партиципираа и полициски службеници од земјите учеснички, а кои дејствуваа во корелација со координативниот центар во Генералниот Секретаријат на Интерпол. Податоците добиени од операцијата понатаму ќе бидат дополнително анализирани со цел добивање на почиста слика за можни потенцијални поврзаности со други кривични дела и терористички активности во регионот и пошироко. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.