Европа
Старџен се среќава со Јункер, сака Шкотска да остане во ЕУ
Шкотската премиерка Никола Старџен ќе се сретне во средата попладне со претстедателот на Европската комисија Жан-Клод Јункер во Брисел, каде што и покрај референдумското изјаснување за излегувањето на Велика Британија од Европската унија, ќе ја брани позицијата на Шкотска во ЕУ, соопшти портпаролката на Комисијата.
Средбата е закажана за 17 часот по средноевропско време, а пред тоа шкотската премиерка Никола Старџен ќе разговара со претседателот на Европскиот парламент, Мартин Шулци, и шефовите на пратенички групи на парламентарните партии.
Шкотските гласачи на британскиот референдум од 23-ти јуни главно се изјаснија за останување во ЕУ, што е големо спротивност со остатокот од Обединетото Кралство. Шкотската национална партија (SNP) во вторникот соопшти дека за останување во ЕУ гласале 62 отсто жители на Шкотска, и затоа „демократски неприфатливо“ би било земјата да излезе од Унијата „против нивната волја“.
„Решителна сум, потполно решителна, да го сочувам местото на Шкотска во ЕУ“, изјави Старџен во парламентот во Единбург. Рече, исто така, дека вториот шкотски референдум за независност е „многу веројатен“ во следните две ипол години.
Според најновата анкета на весникот The Sunday Times, 52 Шкоти поддржуваат во моментов отцепување од Обединетото Кралство и останување во ЕУ.
„Секој дел до Шкотска гласаше за останување“, истакна Старџен и додаде дека нејзината влада сега ќе започне да работи на законот кој ќе овозможи втор референдум за независност на Шкотска, доколку шкотскиот парламент оцени дека тоа е соодветно.
Според британските медиуми, шкотската влада ќе одржи седница во сабота за да ги разгледа натамошните чекори, а Старен признава дека целото тоа прашање е многу сложено.
Доколку отцепената Шкотска ѝ се приклучи на ЕУ, бездруго ќе биде воспоставена гранична контрола меѓу Шкотска и Англија, нејзиниот најголем трговски партнер. Исто така, Шкотска би можела да ѝ се приклучи на еврозоната, наместо да ја задржи британската фунта,.
Оттаму Старџен јасно порачува дека нејзиниот приорите во следниот период ќе биде дејствувањето во најдобриот интерес на Шкотска на начин да обединува, а не да разединува..
„Морам притоа да бидам сосема јасна: Како и да биде исходот од сето тоа, Англија, Велс и Северна Ирска секогаш ќе бидат најблиските соседи на Шкотска и нашите најдобри пријатели – ништо тука нема да се промени“, ја цитира британски The Telegraph Старџен./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.