Спорт
Два златни медала за карате сениорите во Србија
Македонската карате репрезентација рано утрото во недела (17 април) се врати од Србија, каде во Чачак на интернационалниот турнир нашите најдобри каратисти повторно се враќаат со голем број освоени медали
Овој турнит во Чачак имаше и јубилејен карактер со непрекинато организациско постоење од 40 години, а викендов се натрпеваруваа 800 каратисти од 150 карате клубови, дидека во посебниот дел се натпреваруваа десет сениорски репрезентации во своите најсилни состави – Русија, Шпанија, Грција, Хрватска, Босна и Херцеговина, Црна Гора, Бугарија, Словенија, Македонија и домаќинот Србија. Македонските каратисти освоија вкупно пет медали од кои два бронзени, сребрена и два златни медала. Најнапред нашата најдобра каратистка Наташа Илиевска од клубот Макпетрол, во категоријата на -55 килограми се закити со бронзен медал, а веднаш потоа Емил Павлов од Штип, во категоријата -60 кгр исто така стигна до бронзениот медал.Во најсилната дисциплина мажи екипно борби, македонските момчиња со три убедливи победи во елиминацискиот дел против екипите на Војводина, Србија 2, и силната репрезентација на Русија се пласираа во финалето, кое се одржа во вечерните часови со директен телевизиски пренос.Македонските каратисти, во финалниот натпревар кој се одржа во преполната сала на кошаркарскиот клуб Борац од Чачак, не потклекнаа против Светскиот официјален првак Србија. Напротив, во една неизвесна борба која заврши нерешено 2-2 и со помош и асистенција на судиите, светските прваци победија со само еден поен разлика на освоени поени во вкупниот збир од натпреварот. Сребрениот медал во екипниот натпревар за нашите момчиња беше со златен сјај и од причина што до петтиот натпревар Македонија беше во водство со два поени предност, таа разлика, судиите ја намалија со доделување на непостоечки казни на нашите каратисти.Македонската доминација и квалитет се потврди во подоцнежните настапи во двете најсилни и најголеми тежински категории успеавме да се искачиме на победнилкиот пиедистал. Најнапред нашиот најдобар каратист Жарко Арсовски од Макпетрол, во тешка категорија + 84 кг со пет последователни победи успеа да го освои златниот медал. Да споменеме дека во полуфинале Жарко го победи убедливо Шпанскиот репрезентативец Фернандез со 2-0 , а потоа во финалето се сретна со преставникот на Црна Гора Цецуњанин и го совлада со резултат 1-0.Неговиот постар брат Сашко Арсовски од Штип, во полутешка категорија -84 кг исто така со пет пследователни победи го освои златниот медал. Сашко во финалната борба го победи преставникот на Хрватска со резултат 4-1. Во екипниот дел Сашко се сретна и со официјалниот светски првак во оваа категорија Србинот Битовиќ и овој натпревар заврши нерешено 0-0.„Многу сум задоволен од настапот на нашите репрезентативци на овој силен турнир.Турнирот преставуваше последна контрола пред Европското првенство кое треба да се одржи во Цирих од 6 до 8 мај годинава. Посебно ме радува податокот што нашите докажани каратисти: Наташа Илиевска, Огнен Груевски, Сашко Арсовски, Жарко Арсовски и Мартин Несторовски, го докажаа својот раскошен талент и квалитет.Сите тие се рангирани спортисти од светска категорија и стипендисти на државата Македонија .На овој турнир, како и на сите изминати контроли во оваа периодизација (Париз, Ротердам, Милано и Сараево), покажаа дека со право го носат епитетот најдобри“, изјава селекторот на македонските каратисти, Бошко Заборски кој додаде дека во продолжени преостануваат успешно да се реализираат и последните подготовки кои ќе се одржат во Струга и сосема подготвени репрезентативците да заминат на претстојното европско првенство во карате.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).