Македонија
Расте прометот на берзата
Вкупен промет од 41.439.850,00 денари регистриран е денеска на Македонската Берза за Хартии од Вредност
Вкупен промет од 41.439.850,00 денари регистриран е денеска на Македонската Берза за Хартии од Вредност
Вкупниот промет на официјалниот пазар изнесуваше 39.907.633,00 денари, додека на редовниот пазар прометот изнесуваше 1.532.228,00 денари.
Индексот МБИ-10 во последниот ден од неделата се намали за 1,18% и се најде на ниво од 2.167 индексни поени. МБИД забележа пораст за 2,12% и се покачни на 2.261,29 индексни поени. Индескот за обврзници ОМБ се намали за 0,14% се најде на ниво од 104,58 индексни поени..
Акцијата на Комерцијана Банка доминираше на Македонската Берза односно официјалниот пазар со својот промет од 21.004.236,00 денари. Истргувани беа 9.546 акции при 14 трансакции со просечна цена од 2.200,32 денари остварувајќи пад од 3,28% на просечната пазарна цена. Се оствари промет од 15.400.000,00 денари и тоа само преку една трансакција преку која се истргуваа 7.000 акии на Комерцијална Банка по цена од 2.200,00 денари.
Државната обврзница за денационализација од осмата емисија оствари промет од 7.339.034,86 денари при истргувани 159.364 обврзници. Просечната цена на обврзницата се зголеми за 0,02% и изнесуваше 75,01% од номиналната вредност.
Акцијата на Алкалоид оствари промет од 3.464.150,00 денари со вкупно истргувани 872 акции. Просечната пазарна цена порасна за 1,30% односно изнесува 3.972,65 денари.
Од редовниот пазар со својот промет се издвојуваше акцијата на Тутунска Банка со промет од 646,700 денари при што се истргуваа 166 акции со просечна цена од 3.895,78 денари со раст од 0,20%.
Прометот на акцијата РЖЛВ – Арцелормиттал (ХРМ) Скопје беше 352.781,00 денари со постигната просечна цена од 93,77 денари по акција и пораст од 0,11%. Се истргуваа 3.762 акции.
ЗК Пелагонија објави собрание на акционери кое ќе биде одржано на 25.06.2009 (чеврток) – 12:00 часот во просториите на ЗК Пелагонија АД – Битола. На собранието ке се донесуваат предлог одлуки за усвојување на годишна сметка, финансиските извештаи, распределба на добивка и дивиденден календар за 2008 година. Предлог одлука е дивидендата по акција (обична или приоритетна) да биде 252,00 денари. Последен ден за тргување со право на дивиденда е 30.06.2009 година, прв ден без право на дивиденда е 01.07.2009. Датум на пресек на книгата на акции е 03.07.2009 година. Исплатата на дивиденда за 2008 година е во законскиот рок (30.09.2009).
Пет најтргувани хартии од вредност
1. Комерцијална Банка Скопје
2. Р.Македонија – денационализација 08
3. Алкалоид Скопје
4. Макпетрол Скопје
5. Топлификација Скопје
Хартии од вредност со најголем раст
1. Арцелормиттал (ЦРМ) Скопје 23,38%
2. Винарска Визба Тиквеш Скопје 20,11%
3. Попова Кула Демир Капија 10,00%
4. ОХИС Скопје 3,89%
5. Алкалоид Скопје 1,30%
Хартии од вредност со најголем пад
1. Макстил Скопје 4,35%
2. Комерцијална Банка Скопје 3,28%
3. Стопанска Банка Битола 2,22%
4. Макпетрол Скопје 1,35%
5. Р.Македонија – денационализација 05 1,20%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од пазарот се повлекуваат бисквити поради можност од присуство на надворешно тело, соопшти АХВ
Од македонскиот пазар се повлекуват производите на „Атлантик Штарк“: Кексичи како перелив 220 гр. серија 1507482842 и Најлепше жеље кукис 145 гр. ноисет, серија 1507483391, двата со рок на траење до 11.05.2025 година, поради можност за присуство на надворешно тело, соопшти Агенцијата за храна и ветеринарство.
„Агенцијата за храна и ветеринарство (АХВ) вчера, од компанијата „Атлантик траде Скопје Доо“ Илинден доби известување дека поради можност за присуство на надворешно тело, од пазарот ги повлекува следниве производи:
– 280766 Кексичи како перелив 220 гр. серија 1507482842 со рок на траење 11.05.2025
– 281061 Најлепше жеље кукис 145 гр. ноисет, серија 1507483391 со рок на траење 11.05.2025.
Производител на производите кои се повлекуваат според известувањето е „Атлантик Штарк доо Белград“, Република Србија“, се нагласува во информацијата од АХВ.
Агенцијата како одговорна институција за безбеднста на храната согласно законските надлежности, како што додаваат од таму, ја следи состојбата со повлекувањето на производите.
„До потрошувачите како и компанијата увозник, упатуваме апел доколку ги купиле посочените производи со сериските броеви и рокови на употреба истите да не ги консумираат или да ги вратат на продажното место од каде ги купиле“, истакнуваат од Агенцијата за храна.
Македонија
Меџити на средба со словенечкиот амбасадор Прескер: Словенија за нас е пример во делот на заштитата на природата, инвестирањето во зелена економија и зелениот развој
Првиот заменик-претседател на Владата и министер за животна средина и просторно планирање, Изет Меџити, денеска, оствари средба со амбасадорот на Република Словенија Грегор Прескер.
На средбата се разговараше за досегашната соработка меѓу двете држави, кои имаат потпишано спогодба за развојна соработка помеѓу владите на Република Северна Македонија и Република Словенија и имаат формирано заедничка мешовита комисија за билатерална соработка.
Вицепремиерот Меџити истакна дека Словенија за нас е пример во делот на заштитата на природата, инвестирањето во зелена економија и зелениот развој.
Амбасадорот Прескер ја потврди подготвеноста на Словенија да ја поддржи нашата држава на патот кон ЕУ-интеграцијата и на имплементација на активностите со кои ќе се забрза зелениот развој на државата.
Меѓу другото, Меџити и Прескер разговараа и за тековните политички прашања.
Македонија
Муцунски до Столтенберг: Вашата значајна улога во турбулентните години го зајакна и модернизира НАТО
Министерот за надворешни работи и надворешна трговија, Тимчо Муцунски, во рамките на работната посета на Брисел се сретна со генералниот секретар на НАТО, Јенс Столтенберг, кој набргу ќе замине од оваа позиција. По тој повод, министерот му врачи на Столтенберг благодарница и плакета за извонредни достигнувања и придонес за евро-атлантската безбедност.
Изразвувајќи благодарност за неговото лидерство и водењето на организацијата, истовремено нагласувајќи ја важната поддршка за нашето членство во алијансата, министерот Муцунски го истакна значењето на личните напори на Столтенберг за зачувување на заедничките вредности и одржување на мирот и стабилноста во Западен Балкан, регион од стратешко значење за НАТО, известува МНР.
Воедно, тој ја потенцира и посветеноста кон политиката на отворени врати на алијансата како клучен фактор за зачувување на регионалната стабилност.
„Вашата значајна улога во турбулентните години го зајакна и модернизира НАТО правејќи ја алијансата покредибилна и поподготвена за зачувување на мирот и стабилноста во евро-атлантската област“, нагласи Муцунски на средбата.