Свет
Прелиминарен договор за замрзнување на имотот на Бен Али

Европските држави денеска постигнаа прелиминарен договор за замрзнување на имотот на поранешниот туниски претседател Зин Ел Абибине Бен Али и неговите најблиски соработници. Веста ја пренесе агенцијата Франс прес повикувајќи се на свои извори во Брисел.„Имаме консензус за замрзнување на имотот на поранешниот претседател Бен Али, неговото семејство и неговото блиско окружување“, изјавил за Франс прес неименуван европски дипломат. Договорот е постигнат на состанокот на стручњаци на 27 земји членки на Европската унија посветен за земјите од Магреб. Европската унија сега очекува новите власти во Тунис да и достават прецизна листа на лица кои ќе бидат опфатени со одлуката за замрзнување на имотите, изјавил дипломатот. Одлуката треба да ја потврдата амбасадорите на земјите членки на Европската унија, а потоа и министрите за надворешни работи, најверојатно на состанокот планиран за 31 јануари. Швајцарија вчера одлучи да го блокира имотот на Бен Али и неговите соработници во таа земја. Поранешниот претседател на Тунис во егзил, во Саудиска Арабија се наоѓа од минатиот петок, тој земјата ја напушти по едномесечните демонстрации. Правосудството на Тунис покрена истрага против финансиските малверзации на Бен Али и неговото семејство за време на неговото 23-годишно владеење. крај/бета/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.