Свет
Обама прогласи вонредна состојба поради свинскиот грип
Американскиот претседател објави во сабота навечер вонредна состојба поради ширењето на вирусот на свинскиот грип
Причината за оваа одлука, според Белата куќа, е избегнувањето на бирократијата со што на лекарите им се овозможува полесно да се справат со навалицата на пациенти.„Пандемијата на вирусот A(H1N1) продолжува да се шири. Стапката на заразени продолжува рапидно да расте низ државата и постои можност да се јави пандемија која ќе го преоптовари здравствениот систем во одредени места. Затоа принудени сме да преземаме додатни чекори за спремни да ја дочекаме пандемијата“, изјавил претседателот Барак Обама во изјава за јавноста.„Вирусот А(H1N1) брзо се шири, како и што очекувавме. Затоа мораме итно да го спроведеме кризниот план, пред некои региони и здравствени системи да бидат преоптоварени“, стои во соопштението од Белата куќа. Американскиот претседател увидел дека поради брзото ширење на свинскиот грип, сигурно ќе дојде до преоптовареност на системот заради што ќе прогласи вонредна состојба за да се избегнат непотребните бирократски процедури кои се стандарден дел од американскиот здравствен систем.„Оваа одлука би требало да ги ослободи болниците од некои прописи кои се основа на нивното однесување во секојдневните активности. На пример, во нормални околности болниците не би смееле да спроведуваат брза тријажа или да основаат итни одделенија за нега надвор од болничкиот простор, а таквите ограничувања сега нема да ги спречуваат“, објаснил портпаролот на Белата куќа, Рејд Черлин.Свинскиот грип се прошири на 46 од 50 сојузни американски држави, а според некои проценки досега од него се хоспитализирани повеќе од 20 илјади пациенти, а бројката заразени се мери во милиони, пишува Reuters. Вирусот A(H1N1) однесе веќе околу ијлада животи, меѓу кои има многу случаи на педијатриска смрт. Од Белата куќа објаснуваат дека за оваа одлука не треба да се создава паника, туку дека тоа е низа од превентивни мерки, што ги споредуваат со предупредувањата за опасност од урагани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.