Свет
Возовите пуштени, синдикалците отпуштени
Железничарите вчера го прекинаа штрајкот со глад бидејќи не можеле да ги издржат притисоците од раководството, но и поради револтот што повеќето од 755 вработени, кои се на списокот за технолошки вишок, не им се приклучиле.
ПРЕКИНАТ ШТРАЈКОТ СО ГЛАД
Железничарите вчера го прекинаа штрајкот со глад бидејќи не можеле да ги издржат притисоците од раководството, но и поради револтот што повеќето од 755 вработени, кои се на списокот за технолошки вишок, не им се приклучиле. Со ова е целосно запрен штрајкот во “Македонски железници”, а од вчера попладне сообраќаат сите меѓународни и домашни возови.
– Направивме се што можевме, ги поддржавме вработените и заработивме отказни решенија.
– Дури и луѓе што не беа на списоците за отпуштање се солидаризираа со отпуштените и заработија суспензии, а најзасегнатите не дојдоа да штрајкуваат со глад – рече Марјан Ристевски, претседател на Независниот синдикат на железничарите.
Раководството на МЖ ги повлекло сите решенија за суспензија на вработените што одбиле да работат и две отказни решенија за штрајкувачите со глад, но не и отказите за шестемина синдикалци, кои ги смета за организатори на штрајкот.
– Имаше засилено присуство на полицијата во сите простории. Раководителите шетаа по станици и им ветуваа на луѓето дека ако работат, ќе ги повлечат решенијата за суспензија. Луѓето повеќе не можеа да ги издржат притисоците и попуштија. Вработените ни свртеа грб и не оставија на цедило, иако ние постапивме така како што тие сакаа – изјави Никола Богоевски, претседател на Синдикатот на сообраќајниот персонал.
Владата останува на ставот да исплати најмногу 12 плати како отпремнина за 755 вработени, кои се прогласени за технолошки вишок, плус четири плати, кои ќе ги соберат нивни колеги што остануваат на работа.
Заменик-министерот за транспорт Дејан Кошутиќ им порача на синдикалците од МЖ дека Владата веќе нема да преговара со нив бидејќи тие повеќе не работат во железницата. Тој истакнал дека понатаму за жалбите за технолошки вишок ќе преговараат со други претставници на вработените.
Синдикалците што заработија отказ од МЖ најавија дека правдата ќе ја бараат по судски пат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Франција: ученик нападнал професорка со нож на час, се обидел да побегне
Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата БФМ.
Средношколецот по нападот се обидел да побегне, но бил приведен.
Професорката се здобила со полесни повреди на лицето, пренесуваат француските медиуми.
Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.
Европа
Полска го ограничува правото на слободно движење на руските дипломати
Полска ќе воведе ограничувања кога станува збор за движењето на руските дипломати на нејзина територија поради вмешаноста на Москва во хибридната војна против Европската унија, изјави денеска министерот за надворешни работи Радослав Сикорски.
Односите меѓу Полска и Русија се затегнати по избувнувањето на конфликтот во Украина во 2022 година.
Варшава ја обвинува Москва и за шпионски активности и саботажа на територијата на Полска, пренесува Ројтерс.
„Се надеваме дека Руската Федерација ќе го сфати ова како многу сериозно предупредување“, изјави Сикорски за новинарите во Брисел.
Тој додаде дека руската амбасада во Варшава ќе биде известена за оваа одлука и дека ограничувањата за движење важат за целиот персонал во амбасадата и конзулатите, освен за амбасадорот.
Регион
Од 1 јуни нови олеснувања за жителите на Западен Балкан: полесен пристап до германскиот пазар на труд
Од сабота, 1 јуни, стапува на сила третата фаза од германскиот закон, чија цел е привлекување странска квалификувана работна сила, која носи бројни придобивки за граѓаните од Западен Балкан, а пред се двојна квота на работници од регионот кој ќе може полесно да се вработи во Германија.
Минатата година германската влада воведе закон за имиграција на квалификувани работници (ФЕГ), чии одредби постепено стапуваат на сила.
Всушност, станува збор за продолжување на законот од 2016 година, кој им овозможи на граѓаните на Албанија, Босна и Херцеговина, Црна Гора, Косово, Северна Македонија и Србија полесен пристап до германскиот пазар на труд, до одреден степен независен од формалните квалификации.
Законот беше продолжен и изменет минатата година и стапува на сила етапно. Измените не се однесуваат на работните места чие извршување според законот е поврзано со сертификација на диплома, на пример академски професии како што се медицина или медицинска сестра, за лица со посебни потреби.
Според законот, секој кој има професионална квалификација ќе може да ја врши таа работа во Германија, а истото важи и без докажување и за лицата кои работеле во нивните земји најмалку две години на работа за која е потребна стручна диплома призната до државата.
Она што е ново е таканаречената „шанса карта“ за барање работа, која се заснова на доделување бодови според различни критериуми, како што се квалификации, познавање на германски или англиски јазик, работно искуство, врски со Германија, возраст и евентуално семејството кое го придружува странскиот работник.
Третата фаза од законот ќе им олесни на странските работници кои ќе се вработат да носат со себе не само потесни, туку и членови од поширокото семејство.
Оваа фаза е особено интересна за стручњаците од занаетчиските професии бидејќи, меѓу другото, од 1 јуни 2024 година двојно се зголемува квотата за лица од Западен Балкан од 25.000 на 50.000, соопшти централниот синдикат на германски занаетчии ЗДХ, пренхесуваат регионалните медиуми.
Поточно, тоа значи дека 50.000 граѓани на Албанија, Босна и Херцеговина, Црна Гора, Косово, Северна Македонија и Србија ќе имаат полесен пристап до германскиот пазар на труд, без да докажат професионални квалификации. Дополнително, ќе има и месечни контингенти.
Германската Федерална агенција за вработување однапред ќе дава дозволи за вработување, а не како досега, како последователно одобрување, а работодавците ќе можат да ја побараат дозволата преку Интернет.
Штом Агенцијата даде одобрение, идниот работник од Западен Балкан ќе може да побара германска виза за престој и работна виза во надлежното конзуларно претставништво.
Сепак, олеснувањето нема да важи за продолжување на дозволата за престој, во кој случај вработениот ќе мора да се обрати до надлежната управа за странци.
Од ЗДХ посочуваат дека успехот на законот, кој треба да ја привлече хронично дефицитарната професионална работна сила во Германија, во голема мера зависи од брзината и ефикасноста на институциите.
За да можат малите бизниси да имаат корист од регулативата за Западен Балкан, мора да се воведат брзи и ефикасни административни процедури во „германските претставништва во странство и во германските служби задолжени за странци“, соопштуваат од здружението, пренесуваат медиумите во регионот.