Македонија
Косовци со помош на вработени во пасошко ваделе фалц пасоши
Двајца косовски државјани кои сакале незаконски да извадат пасоши, тројца службеници од МВР, вработени во управните служби и една вработена во Кол центарот кои за пари им помагале во незаконското вадење на
Двајца косовски државјани кои сакале незаконски да извадат пасоши, тројца службеници од МВР, вработени во управните служби и една вработена во Кол центарот кои за пари им помагале во незаконското вадење на документацијата, утрово се уапсени.
Во јануари двајцата Косовци се сретнале со Џемо Н. од Сува Река – Косово кој му дал телефон од негов пријател со кого се договориле да му даде 5.000 евра за да му обезбеди фалсификувана документација за да аплицираат за биометриска патна исправа и да им обезбедат вработени во МВР кои ќе им помогнат.
Тој им обезбедил фалсификувани косовски лични карти со фотографии на државјани од Косово, но со лични податоци од македонски граѓани – Горани родени во општина Драгаш, Србија и Црна Гора.
Овие лица во системот на македонското МВР не фигурираат со издадени биометриски пасоши и изводи од матична книга на родените.
Вработен во МВР кој имал пристап во електронскиот систем ги обезбедил истите податоци, за што добил 2.000 евра.
Вчера кога двајцата косовци имале закажано фотографирање, откако ја примиле фалсификуваната документација, се сретнале со вработената во повикувачкиот центар за закажување на термини за лични документи. Таа ги однела кај последниот од мрежата на измамата кој започна постапка за вадење на пасоши.
По претходни сознанија, МВР ги привела сите вмешани во измамата и денеска се очекува да бидат изведени пред Истражен судија./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.