Контакт

Филм

„Арго" и „Линколн" имаат најмногу шанси за Оскар

Објавено пред

Судејќи според наградите освоени во сезоната пред доделувањето на најважните филмски награди Оскарите, филмот на Бен Афлек „Арго” има најмногу шанси за победа во категоријата филм на годината, додека за најдобар актер на годината најмногу изгледи има Даниел Деј-Луис за главната ролја во филмот „Линкол”.

dobivaj vesti na viber

Филмот на Бен Афлек за спасувањето на американските заложници од Иран во 1979 година по Исламската револуција, освои Златен глобус за најдобар филм, а во истата категорија победи и на доделувањето на наградите на Британската академија за филмска и телевизиска уметност – BAFTA. На доделувањето на еснафските награди, за најдобро филмски остварување изминатата година го прогласија продуцентите, режисерите, критичарите и актерите, кој ги правата на најголемите групи од оние кои гласаат како членови на американската Академија за филмски уметности и науки (AMPАS).

Освен за најдобар филм „Арго” е номиниран и за наградите во категориите за најдобра машка споредна улога, адаптирано сценарио, монтажа, оригинална музика, звук и монтажа на звукот

На „Арго” во категоријата најдобар филм ќе му конкурираат „Линколн” за живото на американскиот претседател Абрахам Линколн, „Животот на Пи” филм снимен според романот на Јан Мартел, мјузиклот „Клетници” по делото на францускиот класик Виктор Иго, филмот за ловот на лидерот и идеолог на глобалната терористичка мрежа Ал Каеда, Осма бин Ладен под наслов „Zero Dark Thirty”, комедијата „Во добри и во зло”, „Разузданиот Џанго” на Квентин Тарантино и независниот филм „Ѕверовите на јужните дивини”.

Доколку Даниел Деј-Луис во недела по американско време ја добие наградата за најдобар актер, тоа ќе биде негов трет Оскар. Во оваа категорија е награден во 1989 година за улогата на Кристи Браун во филмот „Мојата лева нога”, и во 2007 година за улогата на Даниел Плејнвејв во филмот „Ќе има крв”. Толкувањето на американскиот претседател Линколн, на Деј-Луис, веќе му ги донесе наградите Златен Глобус и BAFTA, како и наградите на здруженијата на филмските и телевизиските актери и на филмските критичари.

„Линколн”, биографскиот филм за 16-от претседател на САД, Абрахам Лонколн во периодот од Граѓанската војна и укинувањето на ропството во режија на славниот Стивен Спилберг, во трката за Оскарите влегува со најмногу – 12 номинации. Освен во категоријата најдобра главна машка улога, филмот е номиниран и за најдобар филм, споредна машка и споредна женска улога, режија, адаптирано сценарио, фотографија, монтажа, сценографија, костимографија, оригинална музика и звук.

Според бројот на номинациите следат „Живото на Пи” со 11 номинации, „Клетници” и „Во добро и зло” со по осум, „Арго” со седум, а „Љубов” и „Zero Dark Thirty” со по пет.

Освен Даниел Деј-Луис, во трката за наградата за најдобра главна машка ролја, номинирани се и Бредли Купер („Во добро и зло„), Хју Џекмен („Клетници”), Жоакин Феникс („Мастер”) и Дензел Вашингтон („Лет”).

Списокот на кандидатки за Оскар за најдобра главна женска улога ја предводи 86-годишната Емануела Рива за улогата во филмот „Љубов” на австрискиот режисер Микаел Ханеке за остарена брачна двојка соочена со тешката болест на едниот од нив. Рива за оваа улога веќе ја доби наградата на филмските критичари и на BAFTA, а филмот е номиниран за Оскар и во категориите за најдобар филм, најдобар режисер, најдобар филм на странски јазик и за оригинално јазик.

Покрај Рива, за најдобра главна женска улога номинирани се и Џесика Честајн („Zero Dark Thirty”), Џенифер Лоренс *„Во добро и зло”), Наоми Ватс (Невозможно”) и деветгодишната Кванжан Валис („Ѕверовите на јужните дивини”).

За најдобри машки споредни улоги годинава номинирани се Алан Аркин, Роберт Дениро, Филип Сејмор Хофман, Томи Ли Џонс и Кристофер Валц, а на признанието за најдобра женска споредна ролја претендираат Ејми Адамс, Сали Филд, Ен Хатавеј, Хелен Хант и Џеки Вејвер.

За најдобар режисер, покрај Микаел Ханеке за „Љубов” и Стивен Спилберк за „Линколн”, номинирани се и Бен Зејтлин („Ѕверовите на јужните дивини”), Анг Ли („Животот на Пи”) и Дејвид О. Расел („Во добро и зло”).

Покрај францускиот филм !Љубов” во категоријата најдобар странски филм конкурираат уште и норвешкиот „Кон-Тики”, чилеанскиот „Но”, данскиот „En kongelig affaere” и канадскиот „War Witch”.

Годинешната церемонија на доделувањето на наградите ќе ги води Сет Мекферлејн, а меѓу презентерите ќе се појават и Хали Бери, Никол Кидман, Сандра Булок, Роберт Даун Џуниор, Семјуел Л. Џексон, Марк Валберг, Жан Дужарден, Кристофер Плумер и Даниел Редклиф./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

(Видео) Tри филма што Скорсезе ги смета за врв на кинематографијата

Објавено пред

Мартин Скорсезе, еден од највлијателните американски режисери, со децении ги поместува границите на филмскиот израз. Неговата филмографија опфаќа широк опсег на жанрови – од насилни урбани приказни до сложени љубовни драми и духовни дилеми.

dobivaj vesti na viber

Иако неговите понови филмови, како „Ирецот“ и „Тишината“, сè уште се препознатливи по нивната визуелна раскош и длабока анализа на ликови, многумина сè уште сметаат дека неговите најголеми дела потекнуваат од поранешниот период – со насловите „Таксист“, „Добри момци“ и „Разјарениот бик“.

Во текот на својата кариера Скорсезе често ги издвојуваше режисерите што го инспирираа, меѓу кои и Акира Куросава, Ингмар Бергман и Џон Форд. Сепак, еден особено го допре – јапонскиот режисер Кенџи Мизогучи, познат по класичните филмови, кои прикажуваат емоции преку поетски ритам и внимателно изработени слики.

Како негов омилен го наведува филмот на Мизогучи, „Приказни под месечината и дождот“ (Ugetsu monogatari) од 1953 година, кој ја следи приказната за амбициите, љубовта и за војната во 16 век.

„Овој филм имаше најголемо влијание врз мене. Има моменти во тој филм што ги гледав одново и одново и кои секојпат ми го одземаат здивот“, рече Скорсезе, пренесе магазинот „Фар аут“.

Иако „Приказни под месечината и дождот“ често се смета за ремек-дело, Скорсезе ја цени целата трилогија, која ги вклучува и „Животот на Охару“ (Saikaku ichidai onna) и „Саншо судијата“ (Sanshô dayû), а за која вели дека е врвот на светската кинематографија.

Работата на Мизогучи го отелотворува она што многумина го сакаат во јапонскиот филм – суптилност, емоции и елеганција. Неговото влијание може да се види и кај современите режисери, како Хироказу Коре-еда, кој го комбинира секојдневниот живот со длабоки емотивни слоеви. Восхитувањето на Скорсезе кон Мизогучи е уште еден доказ за неговата длабока поврзаност со филмската историја – и неговата непоколеблива почит кон мајсторите на визуелното раскажување приказни.

Прикажи повеќе...

Култура

„Македокс“: Платформата „Некстас“ го носи документарниот филм во училница

Објавено пред

Употреба на документарниот филм како едукативна алатка во формалното образование е силна мисија на Здружението за промоција на документаристиката „МакеДокс“. Оваа децениска посветеност резултира со бројни успеси, а новитет во едукативната програма на „МакеДокс“ е „Некстас“, платформата за наставници кои се стремат да поттикнат критичко размислување кај младите луѓе и се подготвени да иновираат со нови аудиовизуелни средства во наставата.

dobivaj vesti na viber

Во насока на претставување на платформата „Некстас“ пред професори од средните училишта во Скопје, во петок, 11 април, во просториите на „Јуроп хаус Скопје“, со почеток во 11:00 часот, „МакеДокс“ ќе одржи презентација и кратка обука проследена со дискусија. Свои обраќања ќе имаат Надица Таневска Јанева, социолог и професорка во СУГС „Георги Димитров“ – Скопје, и Сашо Алушевски од „МакеДокс“.

Настанот е од отворен тип, но пријавувањето за присуство на настанот е задолжително. Линк за пријавување: https://forms.gle/cpEnERjVx4etdAsm8

Оваа образовна платформа на наставниците и учениците им нуди бесплатен пристап до динамична дигитална средина која содржи обемна колекција на документарни филмови од целиот свет, придружени со помошни материјали во насока на наставните планови на речиси секој предмет во средното образование. „Некстас“ е достапна на неколку јазици, отсега и на македонски јазик, а користењето на оваа платформа како ново аудиовизуелно средство е одобрено од Бирото за развој на образованието и Министерството за образование и наука на РСМ.

„Некстас“ е партнерски проект на „Docs Barcelona“ (Шпанија), „DOK.fest Munich“ (Германија), „Thessaloniki Film Festival“ (Грција), „Indie Lisboa“ (Португалија), „Sottodiciotto Film Festival“ (Италија) и „МакеДокс“ (С Македонија), а проектот е поддржан од програмата „Креативна Европа“ – потпрограма Медиа.

„Некстас“ веќе ја користат над 10.000 наставници и професори ширум Европа. Линк до платформата: https://nextus.global/mk

Прикажи повеќе...

Култура

„Бруталистот“ и „Емилија Перез“ доминираа на Златните глобуси – над 10 милиони луѓе го следеа емитувањето

Објавено пред

Овогодинешната церемонија на доделување на Златните глобуси привлече повеќе од 10 милиони гледачи на телевизиските екрани, што е благ пораст на гледаноста во споредба со претходната година, изјавија во понеделникот продуцентите на настанот, на кој доминираа филмовите Бруталист и Емилија Перез во однос на наградите.

dobivaj vesti na viber

Зголемувањето на гледаноста на неделната гала во последниве години покажува благ нагорен тренд кога станува збор за интересот за слични настани, бидејќи Холивуд се обидува да се оддалечи од влијанието на штрајковите и пандемијата, а наградите Глобус постепено се опоравуваат од сопствените контроверзи и скандали.

Просечната бројка од 10,1 милиони гледачи кои го гледале шоуто е зголемување од 7 отсто во споредба со галата во 2024 година и значителен скок од едвај шест милиони гледачи една година порано.

Златните глобуси, холивудски филмски и телевизиски награди, кое некогаш беше второ по популарност по Оскарите, беше во криза во последниве години. Во 2022 година, гала настанот не се ни емитуваше. Поранешната телевизија Ен-Би-Си ја донесе ваквата одлука затоа што нејзиното раководство беше огорчено од недостатокот на различност и етички пропусти на групата новинари кои претходно ги организираа наградите.

Церемонијата на доделување на престижните награди беше повторно лансирана минатата година под нов приватен сопственик, а беше емитувана на „Си-Би-Ес“ во неделата навечер. Исто така, вреди да се напомене дека наградите им беа доделени на холивудските ѕвезди од А-листата во блескавата сала за бал во Беверли Хилс. На овогодинешните награди доминираа мјузиклот Емилија Перез и епската имигрантска драма Бруталист.

Мексиканскиот филм Емилија Перез на францускиот режисер Жак Аудиар освои четири награди, вклучително и за најдобра комедија или мјузикл, додека „Бруталистот“ беше прогласен за најдобра драма, а наградата за најдобар актер му припадна на главниот лик на филмот Адриен Броди, кој го игра архитектот Ласло Тот, Евреин којшто го преживеал холокауст.

Прикажи повеќе...

Најново

Македонија55 минути

Арсовска: Аценце, те чекам на ТВ дуел

Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...

Македонија1 час

(Фото) ДЗС: Пронајдени артилериска граната од 75 mm и рачна бомба од Првата светска војна

Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...

Свет2 часа

Хронологија на масакрот: Австриецот нишанел во главите на децата, оставил видео-порака за мајката

Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...

Европа3 часа

Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение...

Свет3 часа

Трамп: Нѐ напаѓаат странски непријатели, сакаат да предизвикаат инвазија

Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...

Европа3 часа

Жителите на Грац запалија свеќи во центарот на градот за да оддадат почит на жртвите од нападот

Граѓаните на Грац се собраа на главниот плоштад во градот за да запалат свеќи и да им оддадат почит на...

Европа4 часа

(Видео) Масовен напад врз Харков, гори станбена зграда: има мртви и многу повредени

Во новите руски напади врз североисточниот украински град Харков во текот на ноќта во вторник загинаа две лица, а повеќе...

Свет12 часа

Америка до Русија: Веднаш престанете со нападите врз украинските градови

Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...

Свет12 часа

Трамп: Грета е чудна и бесна; Грета: Искрено, на светот му требаат повеќе бесни жени

Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...

Европа14 часа

(Видео) Убиецот оставил писмо пред масакрот во училиштето во Грац: расте бројот на жртвите

Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши...

Свет14 часа

Трамп: Демонстрантите низ САД ќе се соочат со иста или поголема сила отколку во Лос Анџелес

Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во...

Европа16 часа

ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....

Македонија16 часа

Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ

„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...

Европа17 часа

Зеленски за масакрот во Австрија: Длабоко сме потресени

Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...

Македонија18 часа

(Видео) „УМС фатени во лага – законот за пиротехника е прекрешен, а Тошковски молчи“, велат од СДММ

„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...

Топ18 часа

(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата

СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...

Македонија18 часа

Пониква станува рехабилитациски центар за повредените од пожарот во Кочани

Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...

Топ21 час

(Видео) Кузеска: Власта ги покачи платите на функционерите за 200 евра

Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...

Свет21 час

(Видео) Објавени снимки од училиштето во Грац: се слушаат истрели, седум ученици убиени

Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....

Македонија21 час

Студентите ќе добијат по 250 евра за набавка на електронски уреди од септември, најави Мицкоски

Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...