Спорт
Фаворитите во Серија А низ „иглени уши“
Неделата донесе неочекувано тешки мечеви за фаворитите во 20-то коло од италијанското фудбалско првенство. Јуве одвај со 2:1 го совлада последнито Бари а Рома успеа да победи со автоголот на Чезена
По двата воведни пораза во 2011 г., Јувентус успеа да ја оствари и втората победа во Серија А во новата година, Творец на победата за торинезите беше играчот од средниот ред Алберто Аквилани во 79. минута, кој постигна ефектен погодок со остар полуволеј од работ на казнетиот простор на противникот. Инаку „старата дама“ поведе на ист начин, по прекин со својствено за Алеснадро Далпиеро перфектно изведен удар во 43. минута. Ова е само четврти гол за ветеранот во Серија А кој е меѓу десеттемина фудбалери со најголем број првенствени мечеви во историјата на. Во 57. минута, гостите изедначија преку Рудолфо.Минимални победи забележија и двата римски клуба, Лацио и Рома во настојувањата покрај Наполи да го одржат чекорот со водечкиот Милан. „Бјанкочелестоите“ во Рим на „Олимпико“ дури во 84-та минута со голот на 21-годишниот чешки напаѓач Либор Козак кој во 77. минута го замени Броки, успеаја да го скршат отпорот на Сампдорија.Со истиот резултат „римската волчица“ победи на гостувањето кај Чезена, но благодарејќи на несреќниот потег на домашниот одбранбен играч Пелегрино во 89. минута. Акцијата започна од Бориело, топката преку Антониоли дојде до Адриано, а потоа стигна до Сомплицио и се одби од Пелегрино.Фудбалерите на Удинезе продолжија со ефикасната игра. На 4-те мечеви во 2011 г. имаат постигнато 12 погодоци, а во претходните 16 првенствени настапи 15 пати ја затресоа противничката мрежа. По минатонеделното реми кај Милан од 4:4, во неделата извојуваа гостинска победа над Џенова од 4:2. Домашните успеаја само двапати да го израмнат водството на гостите, преку Милането во првата минута од судиското продолжение на првото полувреме и во 57. минута преку Дестро. За Удинезе прецизни беа Амеро во 27, Динатале во 56. што е негов 14 ти погодок и е водечки на листата на стрелците во Серија А, Санчез во 69. и Денис во 90. минута.Бреша со 2:0 ја совлада Парма, со головите на Берга во 4. минута од продолжувањето на првото полувреме и Диаманти во 88. минута.Катанија ремизираше со Киево со погодоците на Лопез од пенал во 29. и Пелисиер во 65. минута. Каљари според традицијата лесно излезе на крај пред својата публика со Палермо совладувајќи го со 3:1. Во првиот дел надмоќта на домаќините ја круниса во 23. минута Матри, а во второто полувреме по првите десет минути кога беа постигнати преостанаите три гола на натпреварот се чинеше дека ќе следиме возбудлив меч. Но возбудувањата престанаа во 55. минута откако Биондини повторно го зголеми водството на Каљари на два гола разлика. Претходно во 48. минута Ночерино постигна автогол за водство на домашните од 2:0, но на 2:1 Веднаш во 50. минута намали Пасторе.Вечерва останува да се одигра мечот меѓу Лече и водечкиот Милан, кој има три бода предност пред вториот и третиот Наполи и Лацио а пет пред четвртата Рома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хрватска го завери пласманот на СП
Хрватската фудбалска репрезентација ги победи Фарските Острови со 3:1 во претпоследниот натпревар од квалификациите за Светското првенство и го потврди првото место во групата Л.
Хрватите се третата европска репрезентација која обезбеди пласман на завршниот турнир во Канада, САД и Мексико, по Англија и Франција.
Натпреварот од деветтото коло од европските квалификации одигран во Риека заврши со резултат 3:1 (1:1).
Момците на Златко Далиќ имаат недостижни шест бода повеќе од второпласираните Чеси во пресрет на последното коло.
Натпреварот не започна добро за Хрватите. Фараните неочекувано поведоа во 14-та минута. Голот го постигна Геза Давид Тури.
Хрватска изедначи седум минути подоцна преку Јошко Гвардиол. Петар Муса го комплетираше пресвртот во 57-та минута, а точка на натпреварот стави Никола Влашиќ во 70-та минута.
Во последното коло, Хрватска ќе и гостува на Црна Гора.
Foto/ EPA
Спорт
Клементе за Јамал: Ако продолжи вака, неговата кариера нема да трае долго
Поранешниот селектор на Шпанија, Хавиер Клементе, го критикуваше еден од најдобрите фудбалери на Барселона, Ламин Јамал.
На искусниот стручњак не му се допаѓа однесувањето на 18-годишникот надвор од теренот и се плаши дека неговата кариера нема да трае долго поради тоа.
„Како играч, тој е многу добар, но проблемот е што не знае како да се однесува надвор од теренот. Ако продолжи вака, неговата кариера нема да трае. Тоа е јасно“, остро рече Клементе.
Од друга страна, на Клементе му е јасно дека станува збор за извонреден играч.
„Тој прави брилијантни работи, но ривалите веќе знаат како игра, знаат како да го гледаат. Тие знаат дека тој е еден од оние играчи на кои не треба да им се дозволи да играат затоа што е со висок квалитет, а може да направи толку многу на теренот“, заклучи Клементе.
Спорт
Флорентино Перез се повлекува од Реал
Легендарниот претседател на Реал Мадрид, Флорентино Перез, одлучи да се пензионира пред крајот на својот мандат.
Долгогодишниот прв човек на Реал Мадрид планира да ја напушти својата функција во 2026 година, две години пред крајот на актуелниот мандат, објавува новинарот Пепе Алварез.
Како што е наведено, 78-годишниот Перес сака уредена и планска транзиција на власта во клубот, без оглед на тоа дали членовите на клубот ќе ги поддржат неговите предлози на референдумот или не.
Перес стана претседател на Реал за прв пат во 2000 година, првата ера траеше до 2006 година, а втората, која започна во 2009 година се уште трае.
За време на неговиот мандат, фудбалскиот клуб Реал Мадрид беше прв во Европа седум пати, победник на Суперкупот исто толку пати, со пет трофеи од Ла Лига и три Купа на кралот.
Во тој период, кошаркарите освоија седум титули во АЦБ лигата, три Евролиги и седум Купа на Кралот.
Перез е синоним за модернизација на Реал – не само на теренот, туку и преку проекти како што се реновираниот „Сантијаго Бернабеу“ и глобалната експанзија на брендот.
Засега не е познато кој би можел да го наследи.

