Свет
ЕСМ погрешно се приватизира
Владата, советувана од својата комисија за преобразба на „Електростопанство на Македонија“, со продажбата на 90 отсто од акциите на компанијата донесе уште една сосема погрешна одлука пред најавениот процес на приватизација.
Мирче Котевски
Владата, советувана од својата комисија за преобразба на „Електростопанство на Македонија“, со продажбата на 90 отсто од акциите на компанијата донесе уште една сосема погрешна одлука пред најавениот процес на приватизација. Очигледно и најмалите очекувања дека извршната власт ќе го напушти стариот систем на катастрофални одлуки во овој процес, биле нереални и премногу оптимистички. Вака Влатко Чинговски, претседател на Здружението на енергетичарите (ЗЕМАК) и член на Извршниот комитет на ВМРО-ДПМНЕ, го критикува избраниот модел според кој ќе се продава најголемата државна фирма.
у Како ја браните тезата дека начинот на продажба на дистрибуцијата е несреќен и погрешен чекор на Владата?
– Продажбата на 90 отсто од акциите на АД ЕСМ едноставно значи замена на државниот монопол со приватен монопол во дејност што е од јавен интерес, односно дејност од која во голема мера зависи целокупниот општествено-политички и пред се економски развој на државата. Не треба да се биде голем економист за да се знае дека полош од државниот е само приватен монопол.
Избраниот модел не е приватизација на државен имот преку влегување на стратегиски партнер во оваа област, туку проста продажба на најголемото претпријатие што се занимава со дејност од јавен интерес, дистрибуција и снабдување со електрична енергија.
у Нели со либерализацијата на енергетскиот пазар ќе паднат стравувањата дека ЕСМ може повторно да стане монопол?
Практиката покажала дека процесот на либерализацијата кон крајниот потрошувач крајно се забавува и се доведува прашање, слично како во телекомот, каде што се уште чекаме нови фиксни оператори. Со ваков начин на продажба, сопственикот на новиот приватен монопол воопшто нема да биде заинтересиран за либерализација на енергетскиот пазар, поради тоа што таа либерализација ќе значи директно намалување на неговиот профит. Од друга страна, кој друг би влегол во толку ризичен бизнис за снабдување на потрошувачите со струја кога мрежата што мора да ја користи е во целосна сопственост на друг приватен инвеститор!
Држат ли убедувањата на Владата дека новиот модел на продажба ќе биде привлечен за моќните странски инвеститори?
– И покрај тоа што Владата постојано не убедуваше дека максимализацијата на средствата добиени од продажбата на АД ЕСМ не е важна, сепак на крај по којзнае кој пат повторно го смени мислењето и сега конечно ни вели дека со продажба на 90 отсто од акциите ќе се максимизирал приходот од приватизацијата и ќе се привлечел сериозен инвеститор. Тогаш зошто не се продадат сите 100 отсто акции? Нели тогаш ќе се добијат и повеќе средства и посериозен инвеститор. Треба да ни биде јасно дека сериозноста на инвеститорот не се оценува според количеството на акциите што ќе ги купи.
Напротив. Доминантен сопственик едноставно значи поголема слобода за манипулации со бизнисот. Конечно,треба да се престане да се користи зборот инвеститор, затоа што во овој случај едноставно станува збор за купувач.
Тогаш, кое би било најдоброто решение за приватизација на компанијата?
– На инвеститорот да му се понуди заедно со откупот на 33 отсто од акциите да добие и право на управување на компанијата преку мнозинство членови во управувачкиот одбор. Да му се постават функции на цел што треба да ги исполни неговиот менаџмент, како на пример: во тек на една година да ја донесе наплатата на реални 95 отсто и да ги намали загубите за 5 отсто во првата година, со тенденција за две години да паднат на реални 7 до 9 отсто, како во сите развиени економии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.
Европа
Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва
Украинскиот претседател Володимир Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва, но другите учесници на форумот не се толку оптимисти, јави ДПА.
-На дводневниот состанок, на кој присуствуваат 92 земји и осум меѓународни организации, беше повторено дека со заеднички напори може да се стави крај на војната и да се постигне мир, рече Зеленски денеска непосредно пред делегациите да почнат да разговараат на оваа тема.
Меѓутоа, швајцарската претседателка Виола Амхерд нема толку големи очекувања, забележува ДПА.
-Нашите цели се скромни, рече таа, објаснувајќи дека целта на конференцијата е да се поттикне почеток на процес за постигнување траен и праведен мир.
Важноста на меѓународното право како основа на меѓународниот поредок е клучна за ова, рече Амхерд.
-Нападот на Русија го нарушува тоа на најнагласен начин, рече Амхерд.
Русија не беше поканета да учествува на конференцијата, а не учествува ниту Кина, важен сојузник на Москва.
На средбата станало збор и за добивање на најширока можна меѓународна поддршка за украинскиот мировен план, кој предвидува целосно повлекување на Русија од украинска територија.
Свет
Страшна глетка: 28 луѓе висат надолу откако се заглавија во забавен парк во САД (ВИДЕО)
Едно лице е превентивно пренесено во болница, но нема повреди, а 28 се спасени во инцидент во забавен парк во Орегон, САД.
„Пожарникарите успеаја да спасат 28 лица кои беа заглавени на височина од 30 метри, висејќи наопаку, за време на возењето во забавниот парк Оукс .Едно лице е превентивно пренесено во болница, но нема повредени„, соопштија од паркот.
За среќа, брзата реакција на вработените во паркот и пожарникарите спречија сериозни повреди.
Според очевидци, се се случило ненадејно. Прво слушнале татнеж, а потоа и соопштение од огласувачкиот систем внатре во забавниот парк.
Крис Рајан, посетител на паркот, опиша како тој и неговата сопруга се подготвувале да се возат панорамското тркало кога забележале дека возењето е заглавено. Слушаа луѓе како викаат, кога го кренаа погледот, останаа без зборови.
People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt
— Sky News (@SkyNews) June 15, 2024