Свет
Шпанија ја критизира боливиската национализација на локалната филијала на Ред Електрика
Шпанија во средата ја предупреди Боливија дека национализацијата на локалната филијала на шпанската компанија „Red Electrica“ во чија сопственост се повеќето боливиски мрежи за електрична енергија, ќе и’ наштети кај странските инвеститори.
„На владата на Шпанија не и’ се допаѓаат ваквите одлуки, бидејќи сметаме дека е клучно да се соочува правната сигурност во инвестицискиот процес во земјите како што е Боливија“, изјави шпанскиот министер за стопанство, Луис де Гуиндос во Брисел каде треба да се сретне со колегите од земјите членки на Европската унија#, пренесува Reuters.
Локалната филијала на шпанската компанија „Red Electricа TDE“ управува со 1.900 километри електродистрибуциската мрежа во Боливија. Во недиректна сопственост на шпанската компанија 99,89 отсто од TDE, која минатата година остварила нето добивка од 12,5 милиони евра.
Боливискиот претседател Ево Моралес образложи дека приватизацијата на TDE е од недоволните вложувања во Боливија.
Портпаролот на шпанската „Red Electrica“, Антонио Прада ги отфрли ваквите тврдења, истакнувајќи дека компанијата вложила „износ потребен за одржување и подигнување на стандардот на квалитетот“ на боливиската мрежа за дистрибуција на електрична енергија.
Според аналитичарите оваа приватизација дојде во најнезгодниот момент за шпанската влада, којашто е сопственик на 20 отсто од компанијата „Red Electrica“, имајќи предвид дека се соочува со рецесија, голема невработеност и стравување на инвеститорите дека на Мадрид ќе му биде неопходна меѓународна финансиска помош, како претходно на Ирска, Португалија и Грција.
Министерот Прада истакна дека владата ќе води сметка за тоа Боливија да плати фер цена за експропријацијата на компанијата.
Сепак тој додаде дека не постои поврзаност меѓу овој случај кој ја вклучува компанијата „Red Electrica Corporacion“ и аргентинскиот процес на национализација на компанијата YPF, филијала на шпанскиот енергетски гигант „Repsol“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Купишта отпад плива низ улиците на Флорида, забележани се обилни врнежи
Новинарот Макс Чеснес објави фотографија од центарот на Гулфпорт, Флорида.
We’re on Shore Boulevard in downtown Gulfport. Piles of debris from Hurricane Helene just days ago are now soaked in the floodwaters of Hurricane #Milton pic.twitter.com/BJJd0TKG1s
— Max Chesnes (@MaxChesnes) October 10, 2024
Тој наведува дека купиштата отпадоци и искршени делови по неодамнешниот премин на ураганот Хелен сега се потопени во поплавите што ги донесе ураганот Милтон.
Обилни врнежи беа забележани низ Флорида со пристигнувањето на ураганот Милтон.
Речиси 2,8 милиони домови и бизниси низ Флорида се без струја, според PowerOutage.us.
Свет
САД веруваат дека лидерот на Хамас Јахја Синвар е жив и се крие во тунел во Газа
САД веруваат дека лидерот на Хамас Јахја Синвар е жив и веројатно се крие во подземен тунел во Појасот Газа со заложници во близина, изјави денеска Бред Мекгурк, специјален советник на Белата куќа за Блискиот Исток и Северна Африка.
„Јахја Синвар останува тој што одлучува. Веруваме дека тој е жив и е во тунел под Газа, веројатно со заложници во близина“, рече Мекгурк за време на разговорот со американските рабини, пренесува Тајмс оф Израел.
Ова се најдеталните информации за статусот на Синвар од висок американски функционер за неколку недели, ако не и месеци, пишува израелскиот дневен весник.
Во текот на изминатите неколку дена, медиумите објавија дека Синвар, откако беше недостапен повеќе од еден месец, повторно воспостави контакт со претставници на Хамас надвор од Појасот Газа.
Мекгурк рече дека американската влада верува дека војната во Појасот Газа може веднаш да заврши доколку Синвар се согласи да ги ослободи преостанатите израелски заложници кои ги држи Хамас.
Свет
УНИЦЕФ: Секоја осма жена во светот била жртва на сексуална злоупотреба пред да наполни 18 години
Повеќе од 370 милиони девојчиња и жени ширум светот биле жртви на силување или сексуална злоупотреба во текот на нивното детство или адолесценција, според извештајот на УНИЦЕФ.
Тоа значи дека секоја осма девојка или жена била жртва на силување или сексуален напад пред да наполни 18 години, се вели во соопштението на Детскиот фонд на ОН.
Ако на овие напади се додадат и нападите во кои нема контакт, како што се вербалните напади на Интернет, бројот на погодени девојки и жени во светот е 650 милиони или секоја петта.
Директорката на УНИЦЕФ, Кетрин Расел, рече дека „сексуалното насилство врз децата е неподнослив напад врз колективната свест“.
Овие напади и силувања „предизвикуваат длабока и трајна траума и често се нанесуваат од доверлива личност, во средини каде што детето треба да се чувствува безбедно“, додава Расел.
Податоците за сексуалното насилство врз децата беа објавени во пресрет на 11 октомври, Меѓународниот ден на девојчето, прогласен од ОН.