Македонија
Манасиевски: Црвенковски е докажан политички макро
![](https://makfax.com.mk/wp-content/uploads/2016/11/04735bab-63c3-4dd4-b133-f7d983a7b160.jpeg)
Не се точни информациите дека цели Општински организации на ЛДП преминуваат во СДСМ, изјави во петокот претседателот на партијата Јован Манасиевски.
Не се точни информациите дека цели Општински организации на ЛДП преминуваат во СДСМ, изјави во петокот претседателот на партијата Јован Манасиевски.
Тој рече дека во Велес, само еден член ја напуштил партијата и заминал кај социјал-демократите.Според него, преминувањето од една во друга политичка партија е позната појава и тоа е добро за партијата бидејќи со тоа партијата се чистела од членството кое во неа било само поради функција.
„Неколку месеци Аце Коцевски не беше на функција и ја напушти партијата, инаку 15 години тој беше функционер. Беше пратеник од оваа партија, три години беше државен секретар , девет години беше градоначалник од оваа партија, сега неколку месеци не е на функција и мисли дека во друга партија ќе му биде подобро. Знаете лидерот на СДСМ, БранкоЦрвенковски е докажан политички макро и способен да привлекува политички проститутки“, изјави Манасиевски.
„Македонија не заслужува премиер како Груевски и опозициски лидер како Црвенковски. На Македонија и е потребно нешто трето. Ние веруваме дека во државава постои критична маса на граѓанскиот центар што ќе обезбеди едно ново европско лице на Македонија“, вели Манасиевски
ЛДП очекува и во наредниот период СДСМ да пласира информации за постојано преминување на членови на партијата. За прв пат ЛДП соопшти дека Општинската организација во Велес брои околу петстотини активни членови. /крај/ди
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.