Македонија
Стабилизирано свлечиштето Рамина
![](https://makfax.com.mk/wp-content/uploads/2016/11/52aad993-1df0-4252-9ba6-78acacb43ade-1.jpeg)
Свлечиштето Рамина, кај Велес, на кое поради лизгање на земјиштето во изминатите десетина години се урнаа педесетина куќи е стабилизирано
Свлечиштето Рамина, кај Велес, на кое поради лизгање на земјиштето во изминатите десетина години се урнаа педесетина куќи е стабилизирано.
Последните мерења на Градежниот факултет од Скопје, покажаа дека вториот потпорен ѕид го стабилизирал движењето на земјиштето и засега нема потреба од изградба на трет.
Жителите од долниот дел на населбата велат дека сега побезбедно се живее – не се слуша жуборење на водата и не пукаат ѕидовите на куќите.
Според градоначалникот Горан Петров стручните лица и натаму ќе ги следат состојбите и ќе преземат соодветни активности, доколу се јави промена на состојбата.
Дел од жителите на Рамина, кои останаа без покрив над главата се сместени во приватни станови, за кои Владата плаќа месечна наемнина од 50 до 80 евра.
Како трајно решение за луѓето што ги изгубија домовите на свлечиштето, Владата најави изградба на социјални станови за кои приоритет во распределбата ќе имаат поранешните жители на Рамина./крај/дк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.