Наважно во овој момент е да имаме заедничко решение, да ги координираме нашите напори и да задржиме пристап во кој сите ќе бидеме вклучени, заклучлија во неделата македонскиот министер за надворешни работи Никоал Попоски, кој во Скопје беше домаќин на неговиот холандски колеа Берт Кундерс.

Според шефот на македонската дипломатија, Никола Попоски, ваквите заложби се истовремено и главниот интерес на земјата, но притоа порача дека најважно за Македонија е да соработува со соседите, како и со другите земји кои на билатерални или заедничко европско ниво даваат поддршка за справување со предизвикот.

Попоски и Кундерс, кој е и претседавач со Европската унија, се согласиле дека од големо значење за Македонија е да не се изгуби од предвид важноста на кредибилни евроинтеграциски процеси, информираа на заедничката прес-конференција по разговорите.

„Поголем временски период сме во ситуација да не можеме да оствариме напредок како што има препорачано веќе одамна Еврoпската комисија и тоа сигурно не останува без последици“, рече Попоски .

Кундерс, пак, од своја страна изрази благодарност за Македонија што ја исполнила својата одговорност, во смисла на регистрација на што е можно повеќе бегалци, затоа што само транзитот не е решение.

„Одредени земји членки ја поттикнуваат Македонија да ја затвори својата граница со Грција. Но, како што заедно заклучивме, многу е важно да продолжиме со европскиот процес на соработка по ова прашање. Многу е поважно да имаме делотворна контрола на границата отколку таа да се затвори“, нагласи Кундерс истакнувајќи дека во ЕУ се водат дискусии за ова прашање.

Холандија како претседавач со ЕУ смета дека е многу важно да се зборува со Австрија, Грција и Македонија и се да најде ефикасно решение за мигрантската криза, смета Кундерс.

„Граничната контрола мора да биде во стандард со европските и светски обврски. Веруваме и затоа е важно да зборуваме заедно ЕУ и Македонија за давање заемна поддршка одлуките да се донесуваат на транспарентен координиран начин во еворпска рамка. Треба да се земат предвид сите последици, вклучително и последиците за Македонија“ додаде Кундерс изразувајќи надеж дека ќе пристигне и европската поддршка за Македонија. Шефот на хоалндската дипломатија изрази убеденост дека е можно да се избегне домино ефект и неконтролирана ситуација.

На новинарско прашање за двата различни предлога во последните два дена, односно за предлогот за затворање на македонската јужна граница кој дојде од Австрија и неколку централноевропски земји, и предлогот на Холандија, шефот на македонската дипломатија посочни дека не станува збор за различни пристапи.

„Првата обврска која ја има Македонија е да воспостави целосна контрола и да спречи илегални премини, како што тоа се случуваше минатото лето од Грција. Имаме обврска тоа да го направиме, делумно и затоа што сакаме да бидеме дел од ЕУ и Шенген зоната и мораме во оваа фаза да демонстрираме капацитет дека тоа можеме да го направиме кога треба. Македонија де факто во практиката докажа дека може да ја контролира својата граница и да спречи нелегални влезови. Тоа не се коси со можноста на легално обезбедени центри за регистрација, да обезбедиме прием на луѓе кои се потенцијални баратели на азил во ЕУ. Тие доаѓаат од ЕУ во Македонија и дел од нив се основани баратели на азил“, прецизираше Попоски.

Според него, вториот аспект е хуманиот пристап, кој во никој случај не може да се коси со безбедноста. „Македонија нема никому да докажува колку е хумана земја и колку нејзиното население се грижи за луѓе кои се тешка ситуација, бидејќи воедно е земја која има веројатно по глава на жител најмногу бегалци примено во минатите 25 години независност. Тоа и во овој случај го докажуваме бидејќи без разлика на тоа што имаат поминато околу 800 илјади луѓе низ наша територија, што е речиси половина од нашето население, ние сме обезбедиле хуман третман за тие луѓе“, рече Попоски.

Истакна дека Македонија во никој случај нема да преземе мерки кои ќе одат на штета и на безбедноста, ниту ќе преземе мерки кои ќе одат на штета на хуманоста, но не треба да се очекува дека Македонија само ќе го набљудува овој процес.

На новинарско прашање кој е ставот на ЕУ доколку Австрија и други држави ги затворат границите за мигрантите, Кундерс одоговори дека кон крајот на претстојната седмица ќе се одржи самитот на ЕУ на кој ќе се разговара како може да се избегнате еднострани одлуки.

„Живеам во земја која прими околу 60.000 бегалци минатата година кои поднеле барање за азил и ние спроведуваме зајакната контрола на нашата граница, како што го прави тоа и Македонија“, рече холандскиот министер Кундерс./крај/мф/бс

Извор: Макфакс