Иран потврди дека започнал напади врз американски воени бази во Катар и Ирак, како одмазда за американскиот напад врз нуклеарните објекти на Иран за време на викендот, пренесуваат светските медиуми.

САД следат повеќе ракети испукани од Иран кон американските воени бази во Катар и Ирак, објави Cи-ен-ен од двајца функционери.

Министерот за одбрана Пит Хегсет и претседателот на Здружениот штаб Ден Кејн се во Кризната соба, според официјален претставник на Белата куќа, како и американскиот претседател Доналд Трамп.

Висок официјален претставник претходно изјавил дека претставници на Белата куќа и Министерството за одбрана ги следат потенцијалните закани за напад на воздухопловната база Ал Удеид во Катар.

Трамп ја посети базата минатиот месец, првиот претседател што ја посети од 2003 година. Тоа е најголемата американска воена база на Блискиот Исток.

„Ниту една посета на Заливот не би била комплетна без да се застане и да се оддаде почит на луѓето што ја одржуваат Америка безбедна, силна и слободна“, им рече Трамп на војниците во базата на 17 мај.

Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз американските воени бази на Блискиот Исток во рок од 48 часа.

Multiple interceptors seen leaving Qatar during the Iranian ballistic missile attack against U.S. Al Udeid Air Base. pic.twitter.com/z8QMsjE67W

— OSINTdefender (@sentdefender) June 23, 2025

Иранската државна телевизија го објави почетокот на операцијата на Иран „Добра вест за победа“ против американските сили во воздухопловната база Ал-Удеид во Катар, објави „Иран Интернешнл“.

Footage showing surface-to-air missiles launched from Al Udeid Air Base intercepting Iranian ballistic missiles earlier over Doha, Qatar. pic.twitter.com/S5oJZjFCNM

— OSINTdefender (@sentdefender) June 23, 2025

„Скај њуз“ објави дека експлозии во моментов се слушаат над главниот град на Катар.

Веста ја пренесува и „Аксиос“, кој тврди дека 6 балистички ракети биле испукани од Иран кон Катар.

Како што пишува и британски „Гардијан“, експлозии беа пријавени во Доха, главниот град на Катар.

Претходно во текот на денот, оваа земја го затвори воздушниот сообраќај, а американската и британската амбасада ги известија своите граѓани да ја напуштат оваа земја, а сирените за воздушниот сообраќај беа активирани и во Ирак во воената база Аин ал-Асад, објавува и „Гардијан“.

Американскиот претседател Доналд Трамп денес му рече на заменик-претседателот на Советот за безбедност на Руската Федерација, Дмитриј Медведев, да не го употребува зборот „нуклеарен“ лесно и го праша дали Русија ќе му даде на Иран нуклеарно оружје.

„Дали поранешниот руски претседател Медведев навистина го употреби „зборот Н“ (нуклеарен!), тврдејќи дека тој и други земји ќе му испорачуваат нуклеарни боеви глави на Иран? Дали навистина го кажа тоа или е само моја имагинација? Ако е така, и ако е потврдено, ве молам веднаш известете ме. „Зборот Н“ не треба да се сфаќа лесно. Претпоставувам дека затоа (рускиот претседател Владимир) Путин е „шефот“, напиша Трамп на својата социјална мрежа Truth Social.

Трамп реагираше на вчерашната изјава на Медведев дека американските напади предизвикале „мала или никаква штета“ и дека Иран „ќе продолжи да произведува нуклеарно оружје“.

„Патем, ако некој мисли дека нашата „хардверска опрема“ беше одлична за време на викендот, убедливо најсилната и најдобрата опрема што ја имаме, 20 години пред сите други, се нашите нуклеарни подморници. Тие се најмоќното и најсмртоносното оружје што некогаш е произведено, а тие штотуку лансираа 30 Томахавци – сите 30 совршено ја погодија својата цел“, истакнаТрамп.

Медведев во неделата изјави дека неколку земји се подготвени директно да го снабдат Иран со нивното нуклеарно оружје.

Тој оцени дека Трамп требало да биде миротворец претседател, но дека тој започнал нова војна.

Тој исто така нагласи дека „апсолутното мнозинство земји во светот се против постапките на Израел и САД“.