Свет
Војна меѓу Викиликс и банката на Америка
Блокадата на средствата упатени на Викиликс од страна на банката на Америка претставува „нов финансиски макартизам“, изјавил Џулијан Асанж за италијанската новинска агенција „Анса“ пред вилата во која моментално се наоѓа во куќен притвор.„Ова е, од страна на САД, облик на нов финансиски макартизам кој нашата организација ја лишува од потребните средства за да преживееме и кој мене лично ме лишува од драгоцените средства за моите адвокати кои треба да ме заштитат од екстрадиција во САД или во Шведска“, рекол Асанж.Денес банката на Америка издаде соопштение во кое вели дека ќе ја блокира секоја трансакција на нашата организација. „САД го обвинуваат Бредли Менинг, дека бил наш извор. Ние не знаеме. Нашата технологија е така направена да останат анонимни изворите“, му објаснил Асанж на новинарот од „Анса“.„Американците се обидуваат од него да добијат признание дека бил вмешан во некој вид на шпионажа заедно со мене. Тоа очигледно не е вистина. Ова е за жал, доказ како американското правосудство падна ниско само за да не казни нас“, додал Асанж.„Банката на Америка нема да извршува никакви трансакции упатени кон Викиликс“, се вели во соопштението на банката објавено во весникот „Канзас сити стар“. „Активностите на Викиликс се во спротивност со нашата политика“.Веднаш стигна одговор и од Викиликс преку Твитер, со кој ги повикува „сите оние кои ја сакаат слободата да ги затворат своите сметки во Банката на Америка“.Според текстот објавен во „Индипендент“ Бредли Менинг, кој денеска полни 23 години, а за кого постои сомнение дека на Викиликс му ги испраќал стотиците илјади тајни документи, се наоѓа во воениот затвор во Вирџинија, каде од 24 часа 23 поминува во самица и спие на кревет без постелнина.Доколку од него добијат признание дека соработувал со Асанж, ќе биде преместен во подобар затвор./крај/блиц/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Свет
Путин го осуди атентатот на премиерот на Словачка: Пренесете му ги зборовите на најискрената поддршка и желби за брзо и целосно закрепнување
Претседателот на Русија, Владимир Путин, испрати телеграма до претседателката на Словачка и го осуди атентатот на премиерот на Словачка, Роберт Фицo.
Атентатот врз словачкиот премиер Роберт Фицо нема оправдување, тоа е грозоморно злосторство, изјави рускиот претседател Владимир Путин. Во телеграмата што и ја испратил на својата словенечка колешка Зузана Чапутова, тој изразил и желба за опоравување на Фицо, пренесува ТАСС.
„Со огорченост дознав за обидот за убиство на Роберт Фицо, премиерот на Словачка, ова монструозно злосторство не може да има никакво оправдување“, напиша Путин во својата телеграма на веб-страницата на Кремљ и додаде:
„Го познавам Роберт Фицо како храбар и подготвен човек, навистина се надевам дека овие квалитети ќе му помогнат да ја издржи оваа тешка ситуација“, се обрати рускиот лидер и продолжи: „Ве молам пренесете му ги зборовите на најискрената поддршка, исто така и желбите за брзо и целосно закрепнување“.