Спорт
Венгер: Ветувавме спектакл, добивме срамно судење
Швајцарскиот судија, Масимо Бусака е главна тема во таборот на Арсенал, по синоќешниот, реванш, осминафинален натпревар во Лигата на шампионите. Арсенал загуби од Барселона со 3:1 и ја заврши сезоната во ЛШ.
Швајцарскиот судија, Масимо Бусака е главна тема во таборот на Арсенал, по синоќешниот, реванш, осминафинален натпревар во Лигата на шампионите. Арсенал загуби од Барселона со 3:1 и ја заврши сезоната во ЛШ. Швајцарецот Бусака во 56 минута му го покажа вториот жолт картон на Робин ван Перси, холандскиот репрезентативец на противничкиот гол шутираше по неговиот свиреж. Бусака ги почитуваше правилата на играта, а Ван Перси се брани дека од 95 илјадната публика не го слушнал свирежот.„Испаднавме од одличниот тим на Барселона. Но имаме за што да жалиме, бидејќи не очекувавме дека на овој начин ќе загубиме“, изјави менаџерот на Арсенал, Арсен Венгер. Неговиот колега, Пеп Гвардиола рече: „Венгер му кажа да му честитам на судијата, за жал не успеав да го најдам судијата по натпреварот. Бевме подобри и ја заслуживме победата. Сепак можевме да испаднеме доколку Маскерано не го блокираше ударот на Бентнер во финишот на мечот“. Извештаите од натпреварот сугерираат дека Арсен Венгер во подтрибинскиот простор имал жестока расправија со главниот судија. Венгер одби да го коментира вербалниот дуел.„Му кажав што мислам за неговата одлука. Тој сигурно никогаш не играл фудбал на највисоко ниво, за да може да донесе таква одлука“, рече Венгер. крај/index.hr/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал гази кон титулата, Кадиз ја продолжува борбата за опстанок
Фудбалерите на Реал Мадрид славеа против Кадиз со 3:0 во натпреварот од 34.коло на Ла Лига. Првиот натпревар за Реал оваа сезона го одигра голманот Тибо Куртоа.
Реал го продолжи походот кон титулата, која математички ќе ја обезбеди во наредната рунда.
Во однос на Барселона имаат +14, барем додека Каталонците не го одиграат својот натпревар од ова коло на Џирона (18:30 часот).
По неинтересното прво полувреме во кое немаше голови, Реал лесно го реши прашањето на победникот.
Брахим Дијаз погоди во 51. минута, по асистенција на Лука Модриќ. Џуд Белингем го удвои водството во 68. минута. Три минути по влегувањето во игра ја искористи асистенцијата на Дијаз.
Конечните 3:0 ги постигна Хоселу во петтата минута од судиското надополнување.
Кадиз и натаму е во зоната за испаѓање, со 26 бода, пет помалку од Селта од Виго, која е „над линијата“.
Спорт
(Видео) Комбинираниот Баерн падна во Штутгарт, „Вестфален“ му се поклони на Марко Ројс
Попладнево се одиграа четири натпревари во рамките на 32. коло во Бундес лигата. Во дербито Штитгарт го победи Баерн Минахен, а „Вестфален“ му се поклони на Марко Ројс, во текот на натпреварот во кој Борусија Дортмунд го декласира Аугсбург со 5:1.
Баерн со комбиниран состав му се спротивстави на Штутгарт. „Швабите“ ја искористија таа предост и предноста на домашниот терен и славеа со 3:1. Со оваа победа Штутгарт се изедначи со Баерн на второто место на табелата.
Избраниците на Себастијан Хенес поведоа со голот на Леонидас Стергиу во 29. минута.
Баерн израмни осум минути подоцна со голот на Хари Кејн од пенал.
Баварците можеа да направат целосен пресврт, имаа ситуација три на два во контранапад во 80. минута, но ударот на Александар Павловиќ беше изблокиран.
Веќе во 83. минута стигна казната, Силас испрати центаршут на втората статива, таму добро со глава реагираше Вујонг Јеонг и го матираше Мануел Нојер за 2:1.
Победата на домашниот тим ја потврди асистентот за вториот гол, Силас, кој погоди во третата минута од судиското надополнување.
Слично како Баерн и Борусија Дортмунд настапи со комбиниран состав, но тоа не беше пречка да го декласираат Аугсбург со 5:1.
Напаѓачот на Борусија, Јусуф Мукоко уште во четвртата минута му го отвори резултатот, а 15 минути подцна Мален зголеми на 2:0.
Намали Рубен Варгас во 32. минута, но само две минути подцна миленикот на навивачите Марко Ројс зголеми на 4:1.
Домашните го постигнаа петтиот гол кога Феликс Нмеча погоди во 64. минута.
Стоечки овации од цел Вестфален две минути подоцна доби клупската легенда Ројс – кој неодамна откри дека на крајот од сезоната ќе го напушти клубот.
Попладнево Волфсбург го победи Дармштад со 3:0, а Вердер и Борусија Менхенгладбах ремизираа 2:2.
Спорт
Ипсвич се врати во Премиер лигата
Ипсвич Таун по 22 години се врати во Премиер лигата. „Трактористите“ се апсолутни херои оваа сезона, од причина што минатата сезона се натпреваруваа во Лига 1 (трет ранг на англискиот фудбал). Покрај Ипсвич во Премиер лигата се врати и Лестер.
Ипсвич, во последното коло го победи Хадерсфилд со 2:0 на „Портман Роуд“ пред речиси 30.000 луѓе и го обезбеди второто место на табелата. Инаку, головите за Ипсвич ги постигнаа Вес Барнс во 27. минута и Омари Хачинсон во 48. минута.
Херој на „Трактористите“ пред сите е менаџерот Киран Мекена, млад стручњак кој своевремено работеше во штабовите на Жозе Мурињо и Оле Гунар Солскјаер во Манчестер Јунајтед. Во првата самостојна работа како тренер, овој 37-годишен стручњак од Лондон покажа дека му претстои светла иднина.
За третото место кое води од Чемпионшип во Премиер лигата оваа сезона ќе се борат Лидс Јунајтед, Саутемптон, Вест Бромвич Албион и Норич.
Од Чемпионшип испаднаа Бирмингем, Хадерсфилд и Ротерам.