Македонија
Милошоски по поддршка од европарламентарците за датум за преговори
Министерот за надворешни работи, Антонио Милошоски, утре ќе бара поддршка од Европскиот парламент за определување датум за почеток на преговори за членство во ЕУ
Министерот за надворешни работи, Антонио Милошоски, ќе има излагање пред Комисијата за надворешни работи на Европскиот парламент, каде ќе ги реафирмира постигнувањата на Македонија во имплементацијата на приоритетите на Европското партнерство и на Копенхашките критериуми за членство, коишто неодамна беа потврдени и во Извештајот на Европската комисија.
Тој ќе побара поддршка од европарламентарците за определување на датум за почеток на преговорите за членство согласно препораката на Европската комисија.Во рамките на посетата на Европскиот парламент министерот Милошоски ќе оствари средби со истакнати европратеници, меѓу кои со претседателот на Комисијата за надворешни работи Габриеле Албертини, со известителот за Република Македонија Зоран Талер, известителот во сенка за Република Македонија од редовите на Европската народна партија Едуард Кукан, како и со претседателот на Делегацијата на Европскиот парламент во Мешовитиот парламентарен комитет РМ-ЕУ Јорго Шацимаркакис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.