Марко Рубио, кандидат за државен секретар во кабинетот на Доналд Трамп, ги претстави своите ставови за клучните надворешнополитички прашања за време на сослушувањето пред Комитетот за надворешни односи на Сенатот. Меѓу главните теми беа војната во Украина, односите на САД со Кина и улогата на САД во НАТО.

Рубио изјави дека војната во Украина е влезена во ќор-сокак и мора да заврши, нагласувајќи дека Русија нема да успее да ја окупира цела Украина ниту пак Украина ќе може да ја врати целата своја територија под руска контрола. Тој нагласи дека за постигнување мировен договор ќе бидат потребни отстапки од сите страни, вклучувајќи ги Русија, Украина и САД.

Рубио ја поддржа визијата на новоизбраниот претседател Трамп, кој ги става американските национални интереси на прво место. Трамп постојано ветуваше дека ќе стави крај на војната во Украина во рок од 24 часа по преземањето на функцијата, а истовремено повикуваше на намалено американско учество во Украина и НАТО.

Претпазливоста во водењето на надворешната политика не значи напуштање на нашите вредности“, рече Рубио. „Ставањето на нашите основни национални интереси над сè друго не е изолационизам, туку здраворазумска одлука“, рече тој.

Рубио упати остри критики за Кина, обвинувајќи ја кинеската Комунистичка партија за злоупотреба на глобалниот поредок, крадење на интелектуална сопственост и доминација на клучните глобални ресурси. Тој истакна дека Кина го претставува најголемиот ривал на Соединетите држави и предупреди на нивните амбиции да ги контролираат глобалните резерви на критични минерали.

Рубио ги повика европските земји да престанат да ја користат американската поддршка за НАТО како изговор за трошење за сопствените домашни потреби. Тој ја истакна потребата да се зајакне одговорноста на европските сојузници во одбраната.

Украинскиот претседател Володимир Зеленски денеска ја предупреди Европа дека без Украина „нема шанси“ против Русија.

Тој додаде дека победата на Украина е од витално значење за запирање на Кремљ пред да го нападне остатокот од Европа.

„Европа без украинската армија нема да може да се справи со руската армија бидејќи таа е бројно супериорна. Русија има повеќе оружје, повеќе луѓе и е посурова од Европејците“, изјави Зеленски за полскиот медиум Онет.

Зеленски рече дека западните сојузници на Украина не ја сфаќаат големината на експанзионистичките амбиции на рускиот претседател, кои нордиските и балтичките земји.

„Западот не сака да ја признае единствената вистина за Русите, а тоа е дека тие ќе одат понатаму. Во тој факт се содржани одговорите на сите прашања. Зошто да не ја зајакне Украина што е можно повеќе, да го зголеми нејзиното домашно производство за вооружените сили“, додаде тој.

Лансирањето на ракетата „Њу Глен“ од компанијата Blue Origin, во сопственост на американскиот милијардер Џеф Безос, пред неколку дена беше откажано во последен момент поради технички проблеми.

Но, висока околу триесет ката (висока е 98 метри и широка 7 метри) и дизајнирана за повеќекратна употреба, ракетата „Њу Глен“ беше лансирана рано утринава од Кејп Канаверал, Флорида. Овој беспилотен тест лет е наменет да ја прикаже демонстрациската технологијата во вселената за потребите на Blue Origin. Главната цел на мисијата беше да докаже дека „Њу Глен“ може да стигне до орбитата, што би го отворило патот за посложени мисии во иднина.

„Го направивме тоа, ракетата стигна до орбитата“, рекоа тие во пренос во живо славејќи го успехот на мисијата.

Џорџ Нилд, претседател на компанија која промовира приватни вселенски активности, смета дека лансирањето на Њу Глен е добра вест за целиот вселенски сектор, бидејќи „добро е да се има конкуренција, да се има опција за избор“. „Ова е исклучително важно за комерцијалната вселенска индустрија, но и за владата и НАСА, бидејќи не само што ги намалува трошоците, туку нуди и план Б во случај на проблеми со уредот“, објасни тој за АФП пред летот.

The NG-1 countdown clock is proceeding. The three-hour launch window opens at 1 a.m. EST (0600 UTC).

Live webcast begins here 20 minutes before launch.https://t.co/wDtmxoDKRs

— Blue Origin (@blueorigin) January 16, 2025

Оваа инаугуративна мисија на „Њу Глен“ се очекува да трае шест часа.

„Њу Глен“ е ракета за повеќекратна употреба. Нејзината прва фаза се напојува со мотори BE-4 кои се напојуваат со течен природен гас и течен кислород. Blue Origin претходно успеа да ја приземји својата ракета Њу Шепард на копно во Тексас, но овојпат ќе се обиде со контролирано слетување на првата етапа на шлеп во море – деликатен маневар сличен на оние што ги изведува SpaceX.

По одвојувањето, моторите BE-3U на горната етапа, кои користат течен кислород и водород, покренуваат до 45 метрички тони носивост во ниската орбита на Земјата.

Станува збор за мисија без екипаж, а нејзината носивост го вклучува Blue Ring Pathfinder, која содржи комуникациска низа, енергетски систем и компјутер за летање. Blue Origin планира да го тестира вселенското летало Blue Ring, кое ќе овозможи идни мисии со полнење гориво, пренос на податоци.

Доколку ова лансирање биде успешно, дополнителни летови на „Њу Глен“ се очекуваат во 2025 година.

Blue Origin веќе има потпишано договори со неколку клиенти, меѓу кои и американската вселенска агенција која ќе го користи за беспилотна мисија на Марс и американската влада која ќе го користи за мисии за национална безбедност.

Од комерцијална страна, Blue Origin планира да лансира интернет сателити за неколку компании, а како и SpaceX со Starlink, треба да биде одговорен и за лансирање сателити од групата Amazon.

Џеф Безос и Илон Маск, двајца од најбогатите луѓе во светот, се исто така ривали во сателитскиот интернет простор.