Македонија
Цртање графити во општина Кисела Вода

Голем едукативен проект “Цртаме графити – Со општината заедно”, ќе се реализира во четврток во сите осум основни училишта во општина Кисела Вода. Носечката идеја на проектот е осмислување на вокабуларно – илустративни пораки кои како графити ќе се аплицираат на фасадната површина
Голем едукативен проект “Цртаме графити – Со општината заедно”, ќе се реализира во четврток во сите осум основни училишта во општина Кисела Вода.Носечката идеја на проектот е осмислување на вокабуларно – илустративни пораки кои како графити ќе се аплицираат на фасадната површина на основните училишта. Активни учесници се учениците, нивните класни раководители и нивните предметни наставници по ликовна уметност, а во реализацијата и промоцијата на овој проект ќе помогнат и познати и еминентни личности кои завршиле основно образование во овие училишта, односно познати жители на општина Кисела Вода.Целта на проектот е кај секое дете да се развие чувството за припадност, сопственост, како и чувство за естетика во околината во која живеат.Во минатото графитот беше недозволена уметност, но денес општеството ги прифаќа како урбан феномен кој успеа да се наметне насекаде во светот. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Навреме отворени сите избирачки места, гласањето се одвива без проблем

Државната изборна комисија извести дека денес навремено се отворени сите избирачки места и процесот на гласање се спроведува без проблем.
На Локалните избори 2025 во Северна Македонија право на глас имаат 1.832.415 граѓани.
Се гласа за вкупно 309 кандидати за градоначалници и 576 листи за членови на општинските совети со вкупно 10 490 кандидати.
Гласањето на локалните избори започна во 7:00 часот и ќе трае непрекинато до 19:00 часот. Ако гласањето биде прекинато подолго од еден час, тоа ќе продолжи за онолку време колку што траел прекинот, но не подолго од три часа.
Македонија
Претпладне променливо облачно со сончеви периоди, попладне намалување на облачноста

Претпладне променливо облачно со сончеви периоди. Во западните планински региони ќе има услови за слаб дожд. Попладне облачноста ќе се намали. Ќе дува слаб, долж Повардарието умерен ветер од северен правец. Максималната температура ќе биде во интервал од 13 до 19 степени.
Во Скопје, претпладне променливо облачно со сончеви периоди. Попладне облачноста ќе се намали. Ќе дува слаб до умерен ветер од северен правец. Максималната температура ќе достигне до 18 степени
Македонија
Сообраќајот низ државата се одвива непречено, по влажни коловози

Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.