Најмалку десет лица се убиени, а триесет повредени во серијата бомбашки напади во ирачкиот град Бакубах, северно од главниот град,Багдад.

Најмалку десет лица се убиени, а триесет повредени во серијата бомбашки напади во ирачкиот град Бакубах, северно од главниот град,Багдад.Серија од девет експлозии го потресоа Бакубах во средата, јавува Press TV. Засега ниедна милитантна група не ја презеде одговорноста за нападите.Со овие напади всушност продолжува серијата крвави инциденти како што беше оној од 26-ти декември 2011 година, кога загинаа седум лица а 32 беа повредени откако автомобил-бомба експлодираше во близина на ирачкото министерството за внатрешни работи во квартот Баб ал-Шарџи во главниот град.Претходно, на 22-ри декември најмалку 57 лица беа убиени а над 176  ранети во серија најмалку десет експлозии на разни локации во Багдад. За двата напада одговорноста подоцна ја презема ирачката ќелија на глобалната терористичка организација Ал Каеда.Денешните бомбашки напади доаѓаат во време кога официјални лица на ирачката армија изјавија дека се откриени нови детали од страна на специјалната комисија за утврдување на фактите формирана во ноември 2011 година во врска со експлозијата на автомобил-бомба во Багдад, којашто, според нив,  очигледно била насочена против премиерот Нури ал-Малики.На 28 ноември 2011 година, претставници на ирачките безбедносни сили изјавија дека две лица загинаа во експлозија на автомобил-бомба на паркингот пред ирачкиот парламент во ткн Зелена зона, најдобро обезбедуваниот кварт во Багдад, каде се лоцирани најголемиот број владини објекти и странски дипломатски претставништва. .По овој инцидент за вмешаност во нападот ирачки официјални лица го обвинија ирачкиот потпретседател Тарик ал-Хашеми. Тие. исто така, тврдеа дека целта на нападот бил претседателот на парламентот, Осама Абдул Азиз ал-Нуџајфи. Но подоцна, на 3-ти декември, ирачкиот премиер откри дека тој бил цел на нападот.Ирачките власти потоа издадоа налог за апсење против заменикот претседател Тарик ал-Хашеми, поради сомневање дека е поврзан со терористички групи, а на државната телевизија беше објавено дека неговите тројца телохранители признале оти планирале и изведувале атентати и дека ги финансирал и поддржувал заменикот претседател. Ал-Хашеми ги отфрли обвиненијата против него како фабрикувани клевети и дел од интригите на премиерот Нури ал-Малики, и изрази подготвеност да излезе пред судот во автономната ирачка покраина Курдистан, каде отпатува по издавањето на налогот за негово апсење. Партијата Иракија, која има 82 од 325 мандати во ирачкиот парламент, издаде соопштение, велејќи дека „од саботата тоа претставува суспендирање на нејзиното учество во парламентот и повик за отворање на тркалезна маса за да се најде решение што ќе оди во полза на демократијата и граѓанските институции“.Блокот го обвинува премиерот Малики дека го „монополизира донесувањето на сите одлуки“.Ирачкиот премиер Нури ал-Малики предупреди дека ќе назначи нови министри, доколку актуелните од партијата Иракија не присуствуваат на седниците на владиниот кабинет. Ирачкиот премиер, исто така, ги повика сите политички групи во земјата да помогнат во решавањето на кризата во земјата.Иракија претставува политичка коалиција составена од Партијата за обнова на Хашими, Ирачката национална листа предводена од поранешниот премиер Ијад Алави и Ирачкиот фронт за национален дијалог предводен од Салех ал-Мултаг./крај/птв/мф/сн