Свет
По 100 илјади евра за распеана кампања
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2261.jpeg)
Одредена партија ќе потроши и до 100.000 евра за кампањата. Партиите ќе плаќаат меѓу 15 до 20 илјади евра по пејач кој ќе пее од почетокот до крајот на кампањата или околу 1.000 евра од настап. Има пејачи кои земале и по пет илјади евра, но остатокот
ПОЛИТИЧКО-ЕСТРАДНА ЖЕТВА
Одредена партија ќе потроши и до 100.000 евра за кампањата. Партиите ќе плаќаат меѓу 15 до 20 илјади евра по пејач кој ќе пее од почетокот до крајот на кампањата или околу 1.000 евра од настап. Има пејачи кои земале и по пет илјади евра, но остатокот
Кој, каде, за колку пари ќе пее на изборните кампањи на партиите е главната тема на македонската естрада. Со оглед на економската состојба во државава, дел од пејачите велат дека пеењето не значи политички определена естрада, туку едвај чекан момент на печалба, иако има и такви кои настапуваат заради партиската книшка или за приватни услуги. Не кажуваат ни кој за колку пари ќе пее. Пејачите признаваат дека ова пеење е нивна ретка жетва, а партиите дека се уште не се испазарени и затоа нема што да се дискутира за цената.
Сепак, дознаваме дека дел од партиите ќе потрошат и до 100.000 евра за да ги платат пејачите. Цената за еден пејач се движи меѓу 15 до 20 илјади евра за поголемите sвезди, кои ќе пеат од почетокот до крајот на кампањата, што би значело 1.000 евра од настап. Оваа цена не важи за сите зашто има пејачи кои ќе земат и по пет илјади евра, но остатокот од парите ќе го простат за да им помогне, доколку партијата дојде или остане на власт, во одредени приватни потреби, како вработување за нив или за блиски во семејството, помош во купување стан, поддршка на одредени проекти, спонзорства…
Ни една од партиите се уште не сака да каже кој ќе им ги забавува избирачите. Велат дека имињата на пејачите нема да ги кажат додека официјално не им почне кампањата.
Оливер Шамбевски, директор на центарот за комуникации на ВМРО – ДПМНЕ, вели дека речиси е готов списокот на пејачи кои ќе ја поддржат нивната кампања, ама се до почетокот на кампањата нема да ги соопштат имињата на пејачите. Дознаваме дека за нив ќе пеат Владо Јаневски, за кого велат дека најмногу ќе се опари, Ребека, Гоце Арнаудов, Соња Тарчуловска и Јован Јованов. Владо и Ребека беа првите кои беа испазарени, а потоа кон нив се приклучија Соња Тарчуловска и фолк – пејачот Гоце Арнаудов, кому ова му е прва политичка кампања во кариерата. Од пред десетина дена ги испазариле Тијана и Јован Јованов во чие студио веќе се снима химната.
И од СДСМ се уште не кажуваат кој ќе им настапи на изборната кампања. Борис Кондарко вели дека се уште не знае ни дали воопшто ќе има пејачи на нивната кампања. "А и да има, тоа, секако, нема да го кажеме додека не почне кампањата", вели тој.
Добро информираните велат дека на СДСМ главни sвезди ќе им бидат Дарио, кој секогаш настапува за оваа партија, Александар Митевски, Бени од "Нон- стоп" и Верче Пандиловска. Ним во текот на кампањата ќе им се приклучат уште неколку пејачи кои ќе дојдат како дополнување на веќе познатата четворка.
Од партијата на Тито Петковски најавуваат скромна кампања.
-Тоа не значи дека ќе немаме пејачи, ќе има и од забавната и од народната музика, но со нив се уште се преговара и никој не е дефинитивен за да го кажеме. Светско првенство во фудбал е, значи дека ќе мораме поинаку да се организираме -, вели Горан Мисовски, шеф на изборениот штаб.
Во ВМРО-НП ќе имаат химна, но се уште не кажуваат кој, односно колку пејачи ќе ја пеат.
-Ќе имаме и придружни пејачи, но се уште не се знае дали ќе бидат истите што ќе ја пеат и химната. Не можеме да кажеме, зашто пејачите не замолија да ги држиме во дискреција додека не почне кампањата за да немаат проблеми. А ни најавија дека веќе имаат, иако не знаеме кој издал дека преговараат со нас-, објаснуваат во оваа партија.
Ист е одговорот и во останатите партии, до почеток на кампањата да не се кажува кој од пејачите ќе ги поддржи. (В.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.