Свет
Русија против одложувањето на планот на Анан, НАТО против вооружувањето на опозицијата
Шефот на руската дипломатија Сергеј Лавров во понеделник изјави дека се противи на какво и да е одложување или ултиматум во врска со почетокот на реализација на планот на Кофи Анан за Сирија, додека истовремено првиот човек на НАТО Андерс Фог Расмусен смета дека е погрешно да се вооружува која и да
Изјавата на рускиот министер за надворешни работи, Сергеј Лавров, следува откако претходно во неделата на конференцијата на групата Пријатели на Сирија во турската метропола Истанбул беше упатен повикот на режимот на сирискиот претседател Башар ал-Асад да му се даде „краен рок“ за спроведувањето на планот Кофи Анан, заедничкиот специјален претставник на Обединетите нации и на Арапската лига за Сирија.
„Ултиматумот и вештачкото создавање одложување, ретко може да се покаже полезно. Кофи Анан доби мандат од генералниот секретар на Обединетите нации и од Советот за безбедност, затоа на Советот за безбедност е да оценува кој и како ќе ги спроведува неговите предлози“, се вели во писмената изјава на Лавров дадена при неговата посета на ерменската престолнина Ереван, тврдејќи дека учесниците на конференцијата во Истанбул не можат да го оценуваат спроведувањето на планот од шест точки за надминување на конфликтот во Сирија на Анан, туку тоа е во надлежност на Советот за безбедност на ОН, пренесува AFP.
Шефот на дипломатијата на Русија, којашто инаку одби на учествува на истанбулскиот состанок на групата Пријатели на Сирија, заедно со Кина како и на првиот одржан во Тунис, претходно за руските медиуми оцени дека собирот во Истанбул е во спротивност со декларираните цели за мирно решавање на кризата во Сирија.
„Намерите и гаранциите коишто учесниците на состанокот во Истанбул ги искажаа во односна на директната поддршка на сириската вооружена опозиција, вклучувајќи ја и воената поддршка, несомнено се во спротивност со целите на мирното решение на судирите“, се истакнува во изјавата на Лавров.
Речиси истовремено во седиштето на НАТО во Брисел, генералниот секретар Андерс Фог Расмунсен соопшти дека не е правилно да се вооружува сириската опозиција.
„Јас не мислам дека преставува вистински начин да се снабдува со оружје која и да е група (од сириската опозиција -з,р)“, изјавил Расмусен за новинарите во Брисел, пренесува РИА Новости.
Според Расмусен, набавката на оружје на спротивставените страни во сирискиот конфликт би можело да претставува закана од ширење на вооружувањето во регионот.
Генералниот секретар на НАТО изразил надеж дека ќе се дојде до мирно дипломатско решение на кризата во Сирија, врз основа на предлозите од страна на специјалниот пратеник на ОН и на Арапската лига, поранешниот генерален секретар на светската организација, Кофи Анан.
Планот на Кофи Анан, во прв ред претпоставува итен прекин на насилствата во Сирија, почеток на внатрешен политички дијалог, повлекување на владините трупи и итно обезбедување хуманитарната помош да биде доставена до провинции погодени со вооружените конфликти. Советот за безбедност на ОН на 21-ви март едногласно го усвои извештајот со кој се изразува „целосна поддршка“ на предлозите на Анан за решавање на ситуацијата во Сирија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.