Свет
Медведев: Лукашенко се обидува од Русија да направи непријател на Белорусија
Рускиот претседател Дмитриј Медведев смета дека белоруското раководство се обидува од досегашниот голем сојузник Русија да направи еден од главните непријатели на Белорусија
„Желбата пред домашната јавност да прикаже надворешен непријател, отсекогаш беше карактеристика на белоруското раководство. Порано во таа улога ги користеше Америка, Европа, Западот во целина. Сега за еден од главните непријатели е прогласена Русија“, напишал рускиот претседател Димитриј Медведев на својот блог, пренесуваат во недела навечер руските медиуми.Според Медведев, во последно време забележлива е анти-руската реторика кај раководството на Белорусија..„Изборната кампања таму е целосно изградена на анти-руски изводи, на хистерични обвинувања за неподготвеноста на Русија да ја поддржи Белорусија и белоруската економија, се искажуваат клевети за руското раководство. Зад сево ова се покажува јасната желба да се судрат државите и, според тоа, народите“, пишува Медведев. Медведев забележува дека целата предизборна кампања Лукашенко ја гради на обвинувања за Русија и нејзиното раководство, занимавајќи се со тоа дека и руските медиуми, како и руската економија ја поддржуваат белоруската опозиција, „па дури искажува и загриженост за некои наши пензионирани високи функционери или сменети чиновници“, пишува рускиот претседател на својот блог.Според Медведев, Лукашено отишол многу предалеку од дипломатските правила, и не се раководи од нив туку од елементарните човечки слабости, што, како што признава, рускиот претседател, кај неговиот белоруски колега „не се особена новост“. Медведев во блогот го советува својот белоруски колега да се справува со внатрешните проблеми, вклучувајќи го, конечно, и истражувањето на бројните случаи на исчезнувања Руси, како и државјани на други земји.„Се сеќавам дека јас бев изненаден кога на нашата прва билатерална средба, наместо да се фокусира на руско-белоруската соработка, тој многу детално и исклучиво во негативна конотација почна да зборува за моите претходници на функцијата претседател на Русија -. Борис Елцин и Владимир Путин. Тогаш го потсетив мојот колега дека нашите разговори се за многу поразлични теми“, вели Медведев..Рускиот претседател истакна дека по распадот на Советскиот сојуз поддршката на белоруската економија од страна на Русија била огромна, со оглед на братските односи меѓу двете земји. А само оваа година заради поволната понуда на нафта помошта за Белорусија изнесувала речиси две милијарди долари. Слично стоело, според Медведев, и во поглед на субвенциите за Белорусија на снабдувањето со руски гас.Рускиот претседател набројувајќи ги меѓународните и регионалните организации каде двете соседни држави заеднички соработуваат, вели дека неговата земја останува партнер на Белорусија а „народите и по завршувањето на оваа бесмисленост“ остануваат братски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Малолетник на интензивна нега во сплитска болница, врсник го избодел со ножици
Полицијата од Сплит соопшти дека вчера попладне дошло до расправија и туркање меѓу двајца малолетници на игралиште, при што едниот тешко го повредил другиот. На двајцата им е укажана лекарска помош, а на местото на настанот е извршен увид. Според неофицијални информации, едно момче со ножици избодело друго во пределот помеѓу градите и рамото.
За настанот е известен надлежниот државен правобранител, до кого ќе биде поднесена посебна пријава, со оглед на тоа што не може кривично да одговара дете кое не наполнило 14 години и не може да се поведе кривична или прекршочна постапка, соопштија од полицијата.
“Во Сплитската болница е примено момче родено 2011 година со убодна рана. Тој е хоспитализиран и се лекува на Клиниката за детска хирургија при Универзитетскиот болнички центар во Сплит. Во моментов е стабилен и надвор од животна опасност”, велат од болницата за Индекс.
„Со оглед на настанот кој се случи во четвртокот на 16.01.2025 година во попладневните часови во близина на нашиот спортски центар, поточно на детското игралиште до кафезот со вештачка трева, а бидејќи и двете момчиња се членови на нашиот клуб, УО на клубот донесоа одлука за трајно суспендирање на двете момчиња од нашата спортска репрезентација и дека во најбрз можен рок ќе бидат донесени исти одлуки за сите членови за кои има докази за недолично однесување, без разлика дали се на училиште, во слободно време или за време на тренинг на нашиот клуб. Со ова сакаме да испратиме јасна порака дека нашиот спортски центар и клуб се место со нулта толеранција за насилство и дека ќе направиме се што можеме за да обезбедиме безбедно време за другите деца и безгрижно време за родителите додека нивните деца поминуваат обука. Ви благодариме за разбирањето. На момчето, кое е на одделот за интензивна нега на Одделот за детска хирургија во КБЦ Сплит, му посакуваме брзо и безбедно закрепнување“, соопштија од клубот.
Како што пишува далматинскиот портал, коментар им испратила и мајката на едно од момчињата.
„Ја имам таа несреќа што вчера во паркот моето дете употреби училишни ножици од чантата за да повреди врсник со кој обично се дружи, предизвикувајќи му и физичка и психичка болка. Не можам ни да опишам колку сме тажни и разочарани како семејството.
За жал, ситуацијата е таква каква што е, тоа е мое дете и треба да го поправиме тоа што може да се поправи.
Верувам дека повреденото дете никако не заслужи да биде исфрлено од клубот, туку само моето кое го направи проблемот. Затоа, би ве замолила да размислите за оваа одлука. Исто така, верувам, без разлика на овој случај (мојот заслужува суспензија), дека децата не треба да бидат отфрлени и исклучени од спортот поради, да речеме, прифатливи непромислености, бидејќи сите ги знаеме придобивките што ги носи“, рече таа.
Регион
Вучевиќ: Србија мора да оди напред, државата не смее да пропаѓа поради несреќата во Нови Сад
Србија мора да оди напред и не смееме да дозволиме кршење на законите и колапс на државата поради катастрофата што ја доживеавме, изјави денеска премиерот Милош Вучевиќ оценувајќи дека ова е прашање на сериозност и одговорност на оваа генерација кон идните.
„Не смее да се дозволи кршење на законот и рушење на државата. Апсолутно нема никакво оправдување да ја урнеме државата поради огромната трагедија што ја доживеавме во Нови Сад на 1 ноември минатата година. Мој впечаток, и верувам, тоа е впечатокот и на мнозинството српски граѓани, е дека сѐ што се случува сега нема врска со трагедијата во Нови Сад, туку постојано се додава нешто ново и се претставува како основа за блокадата на животот и блокадата на Србија и обиди за колапс на Србија“, рече тој на прес-конференција.
Вучевиќ истакна дека одговорните за прекршување на законот ќе одговараат во согласност со законот.
„Без тоа, завршуваме во ситуација секој да може да прави што сака, без одговорност. Тоа значи дека исчезнува правниот систем, на некој начин исчезнува државата, а желбите и соништата на сите оние што не ѝ посакуваат на нашата земја добро се исполнети и, за жал, ги има многу“, рече тој.
Свет
„Евростат“: Италија има најголем процент на лекари над 65 години во ЕУ
Италија има најголем процент на постари лекари од сите земји на ЕУ, со просечна возраст од 65 или повеќе години, а нивниот удел во вкупниот број медицински персонал е 26,7 отсто, покажуваат податоците на европската статистичка агенција „Евростат“.
На второ место е Унгарија со 22,4 отсто постари лекари, а трета е Естонија со 22,3 отсто, пренесува агенцијата „Анса“.
Германија има најголем процент на лекари на возраст меѓу 55 и 64 години (36,1 отсто), потоа Бугарија со 33,9 отсто и Летонија со 27,4 отсто.
Највисок процент на млади лекари има Малта со 46 отсто, потоа Романија (34,6 отсто) и Холандија (29,7 отсто).
На европско ниво процентот на лекари на возраст од 55 години или повеќе е 40 отсто, соопшти „Евростат“.