Регион
Србија: Извесна победата на СНС на Вучиќ, неизвесно кој од опозицијата ќе влезе во парламентот
Победата на коалицијата „Србија победува“, предводена од Српската напредна партија (СНС) на досегашниот премиер Александар Вучиќ, најверојатно ќе им обезбеди 134 до 145 мандати во 250-члената Скупштина на Србија (парламентот), оценуваат белградските медиуми во понеделникот врз основа на неофицијалните резултати објавени четири часа по затворањето на избирачките места.
Челникот на СНС и на техничката влада Александар Вучиќ во неделата во 22 часот ја прогласи изборната победа со 50,9 отсто од освоените гласови, но опозицијата жестоко реагираше на регуларноста на изборите и оти до полноќ не беа познати сигурните прелиминарни резултати од изборите.
Според спротивните податоци од изборните штабови на владејачкиот и на опозицискиот блок, се уште не е јасно дали во парламентот ќе влезат најмалку четири, пет или, пак, повеќе од седум изборни листи на коалиции и партии.
Сигурно е единствено дека сите податоци соопштени од четирите извори, Републичката изборна комисија (РИК), Центарот за слободни избори и демократија (ЦЕСиД), здружението ЦРТА – Граѓаните на стража и од агенцијата ИПСОС, укажуваат на победата на коалицијата предводена од СНС.
Процентите во полза на коалицијата „Србија победува“, се движат од 48 oтсто (ИПСОС), 48,59 проценти (ЦРТА), 49,30 (РИК) до 49,90 отсто кај ЦЕСиД.
Во парламентот, според неофицијалните резултати, покрај СНС на Вучиќ, сосема сигурно ќе влезат Социјалистичката партија на Србија (СПС) на Ивица Дачиќ, Српската радикална партија (СРС) на Воислав Шешељ, и Демократската партија (ДС) на Бојан Пајтиќ, а неизвесно е засега дали изборниот праг го минуваат коалицијата на Борис Тадиќ, Чедомир Јовановиќ и Ненад Чанак (ДСД-ЛДП-ЛСВ), Демократската партија и движењето Двери (ДСС-Двери) на Санда Рашковиќ Илич и Бошко Обрадовиќ, како и движењето Доста беше на Саша Радуловиќ, поранешен министер за економија во владата на Вучиќ.
Според неофицијалните резултати, демократите на Бојан Пајтиќ ја загубиле власта во Војводина откако на покраинските избори кои се одржуваа во неделата заедно со вонредните парламентарни за војводинскиот парламент победила СНС на Александар Вучиќ со 39 отсто од гласовите, а на второто место е Сојузот на војводинските Унгарци со 13,5 отсто од гласовите, па СПС на Дачиќ со 8,6 и Демократската партија со 8 отсто од гласовите. Во војводинскиот парламент, најверојатно ќе влезат и радикалите на Шешељ и Лигата на социјалдемократите на Војводина (ЛСВ) на Ненад Чанак.
Во Србија во неделата се одржаа предвремените парламентарни избори, се гласаше за пратеници во Скупштината на Војводина (покраинскиот парламент), како и за советници во општините и во градовите.
На парламентарните избори за 11-от состав на српскиот парламент од воведувањето на повеќепартискиот систем во Србија, за 250 пратенички мандати конкурираа 20 листи на партии, коалиции и политички организации со вкупно 3.270 кандидати, а за 120 мандати во парламентот на Војводи се гласаше за 15 листи..
Рокот за распределбата на пратеничките мандати е предвиден до 8-ми мај, а првата седница на новиот состав треба да се одржи најдоцна 30 дена од денот на прогласувањето на конечните резултати од изборите. Законскиот рок за формирање на новата влада е 90 дена од конституирањето на парламентот.
Вонредните парламентарни избори во Србија се втори во последните две години, откако исто така по предвремени избори, беше формирана сегашната влада предводена од коалицијата што ја предводи Српската напредна партија (СНС) на досегашниот премиер Александар Вучиќ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ден на жалост во Црна Гора поради трагедијата во Кочани: „Толку несреќи на малиот Балкан за кратко време“
Во Црна Гора денеска е Ден на жалост по невидената трагедија во Македонија, кога во пожар во дискотека во Кочани загинаа најмалку 59 лица, а над 100 беа повредени. Знамињата на сите државни институции од утрово се спуштени на половина копје, а граѓаните во неверување по хоророт што се случи.
„Ова е наша братска земја, наша Македонија. Сите овие изгубени животи се огромна тага и огромна трагедија. Толку млади луѓе загинаа. Сето ова многу не погодува, толку многу несреќи на малиот Балкан, за кратко време“, вели за РИНА Ивана Б. од Подгорица.
Парламентот на Црна Гора изрази сочувство до семејствата на жртвите и граѓаните на Северна Македонија.
Сочувство изрази и премиерот Милојко Спајиќ кој изјави дека веста за трагичниот настан ја примил со голема тага.
„Владата на Црна Гора е подготвена да застане покрај пријателскиот народ на Северна Македонија на сите неопходни начини во ова тешко време. Изразувам длабоко сочувство до семејствата на жртвите, а на повредените им посакувам брзо закрепнување. Нашите мисли и молитви се со Северна Македонија“, рече Спајиќ.
Во Србија утре е прогласен ден на жалост по трагедијата во Македонија.
Регион
„Повредите им се тешки, изгорениците покриваат и до 28% од кожата“: се огласија лекарите од Ургентниот центар во Белград
Најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва имала само 14 години. Меѓу повредените има 150 лица, а 12 пациенти биле донесени во Белград во неделата вечерта со авион на војската на Србија, од кои некои се во Ургентниот центар во Белград.
„Девет пациенти се примени на Ургентниот центар, а тројца се на ВМА. Дијагностичките процедури беа започнати и завршени за пациентите веднаш по приемот. Станува збор за повреди од изгореници кои зафатиле помеѓу два и 28 проценти од површината на телото. Сите пациенти покажуваат симптоми и знаци на оштетување или контакт со токсични гасови произведени за време на пожарот, но некои имаат и изгореници на горните дишни органи и тие се класифицирани како сериозни повреди опасни по живот“, изјавија од Ургентниот центар во Белград, пренесе Танјуг.
„Засега немам дополнителни информации дали ќе дојдат уште пациенти, но ние сме подготвени за тоа. Тешко е да се зборува за прогнози за изгореници, но тоа ќе стане јасно во наредните денови. Нашите пациенти се млади, на возраст од 18 до 35 години, тие се рехабилитирани и нивниот третман продолжува бидејќи тоа е долготраен процес кој бара недели лекување. Еден пациент е на механичка вентилација и е најтешко повреден“, изјавија за медиумите од Ургентниот центар во Белград.
Регион
Бугарија обезбедува превоз и сместување за семејствата на повредените во пожарот во Кочани
Бугарските дипломати обезбедуваат превоз од Македонија до Бугарија и гарантираат дека оние што ќе пристигнат ќе имаат каде да се сместат.
Амбасадата на Бугарија во Скопје, заедно со Ситуациониот центар на Министерството за надворешни работи, помага во транспортот и сместувањето на роднините и пријателите на повредените од пожарот во Кочани, Македонија, кои се пренесени во бугарските болници, јави БГНЕС.
Бугарската држава прими 14 од повредените, кои беа пренесени со воен авион „Спарта“ и шест амбулантни возила.
Бугарската амбасада во Скопје ги известила најблиските членови на семејството на лицата кои се лекуваат во Софија, Пловдив и Варна дека Бугарија е подготвена да им обезбеди превоз и сместување за потребниот период на лекување.
Поради можни вдишувачки изгореници, на лекар да се јават и оние кои се чувствуваат добро, а биле во дискотеката, апелираа Таравари и Клековски
Сите пациенти се во релативно стабилна состојба, испратените на лекување во странство се сместени во болниците и состојбата е под...
„Повредите им се тешки, изгорениците покриваат и до 28% од кожата“: се огласија лекарите од Ургентниот центар во Белград
Најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва...
ЈОРМ: Пребарување на серверите и на уште еден компјутер во Министерството за економија, наредено е графолошко вештачење на потписи на одредена документација
Обвинителскиот тим кој работи на истрагата за утврдување на причините за катастрофата во Кочани од утрово е проширен и во...
(Фото) Знамињата пред Собрание на половина копје, денови на жалост во Македонија
Поради тргагедијата во Кочани, Владата на РСМ прогласи седумдневна жалост на територија на целата држава. „На вонредната владина седница по...
Фудбалерот Лазаров не е единствениот, уште двајца спортисти загинаа во страотниот пожар во Кочани
Страшниот пожар што избувна во дискотеката во Кочани, го одзеде животот на повеќе од еден спортист. Покрај фудбалерот Андреј Лазаров,...
(Видео) Осум од повредените во Кочани се во „Пирогов“ во Софија, три се деца, сите се во тешка состојба
Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од...
(Видео) Тројца пациенти од Кочани се примени во болница во Варна
Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес. Тие беа пренесени...
(Видео) Авион на српската армија со 12 повредени во пожарот во Кочани пристигна во Белград
Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA...
Пациентите кои се префрлени во странство се во стабилна состојба и под континуирана медицинска нега
Министерството за здравство информира дека од раните утрински часови во Клиничкиот центар функционира кризниот штаб, во тесна координација со Министерството...
Обвинителството поведува постапка за проверка на 11 лица, за осум веќе е поднесен предлог за краткотраен притвор
Обвинителството до овој момент поведува постапка на проверки за вкупно 11 лица. Од нив предлог за краткотраен притвор е веќе...
Дискотеката во Кочани имала само два противпожарни апарати, немала хидрантска мрежа, имала само една импровизирана врата и таа била затворена: Обвинителството регистрирало бројни неправилности
Вечерва државниот јавен обвинител Љупчо Коцевски, обзнани дека по извршениот увид во дискотеката во Кочани, биле забележани многу неправилности. Тој...
Ексминистерот за економија, Бектеши, повикан на распит во полиција
Поранешниот министер за економија, Крешник Бектеши е повикан на информативен разговор во полиција. Во моментов се наоѓа во ПС Карпош....
(Видео) Мицкоски не дава оставка: Прво ќе ги поразам сите овие кои го доведоа овој систем да биде корумпиран, а потоа ќе излеземе на избори
Премиерот Христијан Мицкоски на вонредна прес-конференција кажа дека дискотеката имала фалсификувана лиценца издадена на 13 март 2024 година, потпишана од...
Животите на млади луѓе за миг згаснаа заради самоволие, импровизација и манипулација, ниту еден одговорен не смее да избегне казна, порача претседателката Сиљановска-Давкова
Со солзи во очите и растреперен глас вечерва на македонските граѓани се обрати претседателката Гордана Сиљановска-Давкова за пожарот во Кочани...
„Голем човек, големо срце, голема загуба“, „Секогаш ќе те памтам по твојата насмевка и блесава смисла за хумор“, колегите се простуваат од Андреј „ДНК“
Колегите на Андреј од „ДНК“ со емотивни пораки се простуваат од музичарот. „Голем човек, големо срце, голема загуба. Почивај во...
Владата на вонредна седница донесе неколку одлуки: седумдневна жалост во цела држава, строги контроли во угостителските објекти
Владата ја започна денешната седница со едно минутно молчење со цел да им се оддаде почит на трагично загинатите лица...
Тошковски: Дискотеката во Кочани немала легална лиценца за работа, починати се тројца малолетници
Министерот за внатрешни работи, Панче Тошковски, соопшти нови детали во врска со пожарот во кочанската дискотека. Toшковски рече дека осомничени...
Со авиони се транспортираат најтешко повредените од пожарот во Кочани во земјите од соседството
Министерството за здравство информира дека во моментот се организира авионски транспорт за најтешко повредените во пожарот во дискотеката во Кочани....
Сара Пројковска придружен вокал на „ДНК“ загина во пожарот во Кочани
Сара Пројковска придружен вокал на дуото „ДНК“ загина во пожарот во дискотеката во Кочани. „Со длабока жалост и неверица ве...
Почина Андреј од ДНК
Андреј Ѓоргиески, еден од членовите на дуото ДНК, им подлегнал на повредите од пожарот во Кочани. „Голем човек, големо срце,...
