Свет
Над 40 загинати и 170 ранети во експлозиите во Дамаск

Во двата бомбашки напада од четвртокот наутро во сириската престолнина Дамаск, според последните информации загинале најмалку 40 лица а ранети се повеќе до 170, јавува Reuters повикувајќи се на сириската државна телевизија Al-Akhbar.
Повеќето од жртвите се цивили. Претходно беше соопштено дека има 24 загинати и 70 повредени.
Во четвртокот наутро во близина на автопатот што води кон меѓународниот аеродром крај Дамаск, одекнаа две моќни експлозии, по коишто според сириската новинска агенција SANA се развила престрелка. Целта на нападите коишто сириските власти ги квалификуваа како терористички операции, бил комплекс на сириските разузнавачки служби. Меѓутоа, според агенцијата, експлозиите се случиле во периодот на сообраќајниот шпиц, кога жителите одат на работа или на училиште.
Претставник на опозицискиот Сириски национален совет, Самир Нашар, за AFP изјави дека нападите биле конструкција на режимот на претседателот Башар ал-Асад, кој на тој начин има намера да се „заплашат меѓународните набљудувачи и да се потврдат тврдењата дека во земјата делуваат групации на Ал Каеда“.
Кинеската агенција Синхуа, цитирајќи извори блиски до истрагата за нападите, пренесува дека експлозиите се изведени од бомбаши-самоубијци, кои ги управувале двата автомобила-бомби.
Набргу по експлозиите на местото на нападите пристигна шефот на набљудувачката мисија на ОН, норвешкиот генерал-мајор Роберт Муд, кој изрази искрено сочувство до сирискиот народ и семејствата на жртвите.
Генералот Муд, во изјавата за медиумите дадена на местото на двете експлозии, ги повика сите оние кои стојат зад овие експлозии, без разлика дали се од Сирија или од странство, „да сфатат дека ваквите експлозии единствено предизвикуваат повеќе страдање за Сиријците и дека треба да престанат со овие грозни дела и на Сиријците да им дадат шанса да продолжат во правец на мирот без притоа да страдаат невини луѓе“, пренесува агенцијата SANA.
Во Сирија, веќе 14 месеци продолжуваат судирите коишто избувнаа по анти-владините протести од ланскиот февруари инспирирани од ткн Арапска пролет, кога со народни бунтови беа соборени повеќе децениски режими во арапскиот свет. Секојдневни се извештаите за убиства на цивили и униформирани лица. Според податоците на Обединетите нации од пред речиси два месеца, вкупниот број жртви во конфликтот надмина девет илјади луѓе. Сириските власти во истиот период соопштија дека „во судирите со вооружените опозиција се убиени околу 3.200 цивили и повеќе од 2.500 припадници на безбедносните сили кои се напаѓани од добро вооружени милитанти оркестрирани од странство“.
Во моментов, во земјата како дел од мировниот план на специјалниот пратеник за Сирија на Обединетите нации и на Арапската лига, Кофи Анан, треба да се спроведува прекинот на огнот. На 15-ти април во Сирија пристигна првата група воени невооружени набљудувачи со мандат од ОН коишто треба да со следат почитувањето на договорот за прекин на огнот договор од свете спротиставени страни. Советот за безбедност на ОН, на 21-ви април едногласно одобри во Сирија да бидат испратени 300 набљудувачи коишто ќе го следата почитувањето и спроведување на мировниот план од шест точки на Анан./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Јас сум претседател-медијатор, сакам да решавам војни

Американскиот претседател Доналд Трамп изјави дека се гледа себеси како претседател-медијатор, нагласувајќи дека неговата цел е да помага во решавањето на конфликти ширум светот.
„Јас сум претседател-медијатор. Сакам да решавам војни“, рече Трамп за време на средбата со украинскиот претседател, Володимир Зеленки, додавајќи дека моменталната ситуација (мисли на Украина) не е лесна за посредување.
„Полесно е кога луѓето се разбираат, кога се среќаваат и кога си се допаѓаат еден на друг. Не сме баш во таква ситуација“, изјави тој пред новинарите, пренесе „Гардијан“.
Трамп спомена дека досега посредувал во осум конфликти, вклучително и на Блискиот Исток, и дека тековните напори се негов „деветти случај“.
„Ова ќе биде број девет за мене. Решив осум, вклучувајќи го Блискиот Исток… Не добив Нобелова награда, и не ми е важно тоа. Важно ми е да се спасувам животи“, изјави Трамп.
Свет
Трамп неодлучен за испорака на ракетите „ Томахавк“ на Украина

Како што објави „Гардијан“, американскиот претседател покажа двоумење во врска со испораката на Томахавк во Украина, велејќи: „Една од причините зошто сакаме да ја завршиме оваа војна е… не ни е лесно да ви дадеме… огромни количини многу моќно оружје… Се надеваме дека нема да им требаат. Се надеваме дека можеме да ја завршиме војната без да размислуваме за ракетите Томахавк“.
„Ќе зборуваме за ракетите Томахавк и многу повеќе би сакале да не им требаат тие ракети. Искрено, многу повеќе би сакале војната да заврши. Бидејќи, знаете, ние сме тука за војната да заврши… Продаваме многу различни видови оружје, како што знаете, на Европската Унија. Не сме тука за тоа. Ние сме тука за војната да заврши“, продолжи тој.
Во одговор на прашање од новинар, украинскиот претседател Володимир Зеленски, претходно изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
Свет
Зеленски: Подготвени сме на Америка да ѝ понудиме дронови во замена за „Томахавк“ ракети

Во одговор на прашање од новинар, украинскиот претседател Володимир Зеленски изјави дека Украина е подготвена да им понуди на САД свои дронови во замена за далекуметните ракети „Томахавк“.
„Украина може да ѝ обезбеди на Америка илјадници дронови ако Вашингтон дозволи употреба на ракети ‘Томахавк’. Затоа, таму каде што можеме да соработуваме и да ја зајакнеме американската продукција, имаме голема понуда што се однесува на нашите дронови“, рече Зеленски.
На прашањето дали таков договор би го интересирал, поранешниот американски претседател Доналд Трамп одговори: „Да, би нè интересирал. Во моментов имаме многу дронови – ги произведуваме сопствените, но купуваме и од други, а Украинците произведуваат многу добри дронови.“
Трамп беше прашан и што мисли за тоа Украина да употребува ракети за напад подлабоко во Русија. „Ќе разговараме за тоа“, рече тој.
„Тоа е ескалација, но ќе разговараме за тоа“.
Украина бара од САД да испорачаат ракети „Томахавк“ кои можат да погодат цели на оддалеченост од речиси 2.000 километри.