Македонија
Бугарите реагираат на Енциклопедијата: Гоце Делчев бил Бугарин
Свети Климент Охридски, цар Самоил, Рајко Жинсифов, Григор Прличев, браќата Миладиновци, Гоце Делчев… се историски личности и на Бугарија и на Македонија, и тоа така треба да стои во Енциклопедијата, бараат од Бугарскиот културен клуб во Скопје
Тие реагираат на неодамна објавената Македонска енциклопедија и обвинуваат дека таа е всушност фалсификат на историјата на македонските Бугари што ја потврдиле многу светски историчари.„Бугарскиот културен клуб изразува загриженост за содржината на двотомната енциклопедија која ја издаде МАНУ, а ја финансираше Владата на РМ“, стои во дописот од оваа организација на која е потпишан претседателот Лазар Младенов.Оттаму бараат ревизија на целиот текст на Енциклопедијата.„Енциклопедијата треба да се прилагоди на светската наука која потврдува дека одредени личности од бугарското етничко, културно и религиозно наследство припаѓаат на двете држави – Република Македонија и Република Бугарија. Ова го подразбира периодот од бугарскиот среден век (свети Климент Охридски и цар Самоил), преку бугарските национални преродбеници (Кирил Пејчиновиќ, Рајко Жинсифов, браќата Миладиновци, Григор Прличев, Кузман Шапкарев), до Бугарското национално ослободително движење (Даме Груев, Христо Матов, Гоце Делчев…), како и периодот меѓу Првата и Втората светска војна“, стои во дописот од Бугарскиот културен клуб.Во писмото се вели дека Клубот протестира против ваквите нееднаквости и толкувања на историјата во образовниот систем на РМ кој, како што пишува во соопштението, „од своите граѓани прави заложници на една политика што предизвикува несогласувања и ги поткопува добрососедските односи“.„Ја поттикнуваме Европската Унија и релевантните дипломатски претставници во Република Македонија да направат се што е потребно за да се обезбеди усогласеност со релевантните ЕУ стандарди, како и оние на Советот на Европа“, се вели во дописот потпишан од Младенов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.