Македонија
Јакимовски: Владата спроведува „пеликан реформа“ за бришење на невработените
Основна мерка на владата за справување со невработеноста е подмолното бришење на невработените лица од евиденцијата на Агенцијата за вработување, смета Стевчо Јакимовски, претседател на Градската организација на СДСМ во Скопје.
Основна мерка на владата за справување со невработеноста е подмолното бришење на невработените лица од евиденцијата на Агенцијата за вработување, смета Стевчо Јакимовски, претседател на Градската организација на СДСМ во Скопје.
Според него, во последните пет години е зголемен бројот на неквалификувани и полуквалификувани невработени лица, а единствено бројот на вработени се зголемува во државната администрација.
„Со неговата “пеликан реформа“, тој само во периодот од јуни-октомври 2011 година, избришал повеќе од 47 илјади невработени лица, а реално состојбата со вработувањето не мрдна ниту чекор напред. Премиерот Груевски во 2006 година ветуваше дека ќе зборува најмногу за економија, а најмалку за политика. Впрочем, за тоа и ја доби довербата на граѓаните. Сега е јасно зошто магистарот Груевски, наместо за ветените економски реформи, избра да го замајува народот со античката историја. Би било фер спрема граѓаните, после ваквиот економски неуспех, да ја врати дипломата за економија и да запише студии по античка историја“, изјави Јакимовски на денешната прес-конференција.
Според Јакимовски, власта може да прогласи капитулација на својата економска политика, како во однос на невработеноста, така и во однос на нивото на странски инвестиции. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.