Македонија
Македонија на 79-то место според конкурентност
Македонија го подобри своето рангирање во годинешниот извештај за светска конкурентност за 2010/11 г. i се наоѓа на 79 место меѓу 139 држави, додека минатата година беше на 84 место.
Македонија го подобри своето рангирање во годинешниот извештај за светска конкурентност за 2010/11 г. i се наоѓа на 79 место меѓу 139 држави, додека минатата година беше на 84 место.
Од земјите од поранешна Југославија со кои најчесто се споредува Македонија, најдобра позиција има Словенија на 45 место, и покрај тоа што минатата година беше 37. Полош од минатогодишниот е и рејтингот на Србија која од 93 место сега е на 96, Хрватска од 72 место лани сега е на 77., а Босна и Херцеговина од 102 сега е на 109 место. Притоа се забележува дека покрај Македонија напредок е направен и во рангирањето на Црна Гора која е најдобро пласирана од земјите од регионот и е на 49. место а минатата година беше 62.
Втора земја по конкурентност во светски рамки е Шведска, трет е Сингапур а на четвртото место се САД. Минатата година азискиот град-држава беше на трето, а Шведска на петто место.
Во најновиот извештај Германија е на петто место, додека лани беше седма по конкурентност, а Јапонија од минатогодишното шесто сега е на осмо место.
Финска го зазема седмото место, Данска е деветта, а Канада, на рејтингот на СЕФ, е на десетто место.
Меѓу големите економии, Кина е на 27 место по конкурентност односно се искачи за две места во споредба со мината година, додека Русија од 63. место лани сега е на 51. место, а Украина која минатата година беше на 82. сега е на 89 место по конкурентност.
Рангирањето е објавено врз основа на Глобалниот индекс на конкурентност, при што се земени различни индикатори за инвестициската клима за 139 земји во светот.
Светскиот економски форум е со седиште во Женева го објави извештајот пред состанокот што идната седмица ќе се одржи во Тјанџин, во близина на Пекинг./крај/фо/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.
Македонија
Доаѓа нестабилно време со пороен дожд и грмежи
Во попладневните часови ќе има изолирана појава на нестабилност со краткотраен пороен дожд и појава на грмежи. Потоа од среда до петок под влијание на влажни бранови во поголем дел од земјава ќе биде нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време и засилен ветер. Дневните температури од четврток ќе бидат во опаѓање.
Во Скопје времето ќе биде стабилно и релативно топло. Од среда во попладневните часови ќе биде променливо облачно и нестабилно со повремени врнежи од дожд и грмежи. Во делови од котлината ќе има услови за појава на невреме со пообилен пороен дожд за кратко време и засилен ветер.
Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.