Свет
Карлос Шакалот е одговорен за убиства на 1.500 до 2.000 луѓе
Венецуелецот познат едноставно како Карлос Шакалот кому во понеделник повторно ќе му се суди во Франција, првпат имплицитно ја призна својата одговорност за повеќе од стотина напади во кои се убиени меѓу 1.500 и 2.000 луѓе
Венецуелецот познат едноставно како Карлос Шакалот кому во понеделник повторно ќе му се суди во Франција, првпат имплицитно ја призна својата одговорност за повеќе од стотина напади во кои се убиени меѓу 1.500 и 2.000 луѓе, во разговор кој во неделата беше објaвен во весник во Каракас, пренесува AFP. Одговарајќи на прашање поставено од новинарот на венецуелскиот дневен весник El National во врска со цивилните жртви во нападите извршени под негова команда, сега 62-годишниот Илич Рамирез Санчез со герилскиот прекар Карлос, вели дека имало „многу малку“.„Пресметав дека би можело да станува збор за околу 10 отсто цивилни жертви. Од 1.500 до 2.000 мртви немаше повеќе од 200 цивили“, одговара Карлос во телефонското интервју за венецуелскиот весник .Главните терористички напади за кои е обвинет Карлос како организатор и директен извршител се случувале во десетгодишниот период од 1973 до почетокот на 1984 година и во нив загинале најмалку 20 лица, но тој е осомничен за многу поголем број смртоносни напади во кои загинале многу поголем број луѓе.Венецуелецот Карлос за весникот од неговата татковина изјавил дека „координирал“ повеќе од стотина напади коишто биле „добро изведени“, според неговата формулација, несакајќи да даде други детали. Убеден дека ќе биде ослободен од обвинението, Карлос вели дека ќе и’ се придружи на владата на Уго Чавез за да му помогне „да ја одбрани со оружје“.Во ноември 2009, на собир на левичарските партии од целиот свет претседателот на Венецуела Уго Чавез го прогласи Карлос за револуционер, обвинувајќи ги француските служби дека го киднапирале и тајно го префрлиле во Париз каде „неправедно“ е осуден. Каролс којшто е во затвор од 1994 годин в о 1997 година е осуден на доживотен затвор поради убиството на двајца полицајци и доушник во Париз во 1975 година. арлос во 1997 г. беше осуден за убиство на двајца припадници на француската разузнавачка служба и на еден либански доушник во 1975 г. во париската четврт – Латински кварт.Судењето на Илич Рамирез Карлос ќе трае од понеделник 7-ми ноември до 16-ти декември пред специјален суд за најтешки кривични дела, за атентати извршени во Франција во периодот меѓу 1982 и 1983 година. Карлос Шакалот е исто така осомничен и за нападот од 2-ри август 1980 година кога во чекалницата на железничката станица во италијанскиот град Болоња експлодирала бомба од која загинаа 85 луѓе а повеќе од 200 биле ранети, што беше најкрвавиот атентат извршен во приодот кога Италија е потресувана од многу атентати од екстремите левичарски и десничарски организации.За овој напад двајца италијански ултрадесничари се осудени на доживотен затвор, а третиот кој во тоа време бил малолетен е осуден на 30 години затвор. Покрај нив, на помали затворски казни до седум до десет години се осудени повеќе лица меѓу кои и припадници на военото разузнавање кои биле обвинети за попречување на истрагата.Семејствата на жртвите и дел од италијанската јавност сé уште сметаат дека осудените се само извршители, но дека нарачателите никогаш не се казнети. Покрај италијанските десничарски терористички групи од 1970. и 1980-те, ако можни сторители на масакрот се споменувани и Палестинци, Либијци, Либанци и еден од најпознатите светски левичарски терористи Илич Рамирез Санчез попознат како Карлос Шакал.Рамирез беше грабнат во болничка соба во Судан во 1994 г. од страна на француски агенти во содејство со врвот од CIA и во вреќа со таен лет бил пренесен до Париз. Сега, по собирање докази, му се суди и за атентати извршени во Франција во 1982 и 1983 г.По еден од неговите многубројни прекари е снимен акционо-криминалистичкиот серијал „Шакалот“.Карлос е роден во 12 октомври 1949 година во главниот венецуелски град Каракас, во семејството на Алтаграсија Рамирез, богат адвокат со марксистичка идеологија, кој на двата сина им дава имиња по водачот на советската Октомвриска револуција, Владимир Илич Ленин.Рамирез по неговото протерување од московскиот универзитет „Патрис Лумумба“ се преселил во Либан каде во 1970-тите им се приклучува на палестински терористи, планирајќи напади во Европа.По земањето на герилското име Карлос, тој наводно предводел низа терористички акции, вклучувајќи го и киднапирањето на министри кои присуствуваа на состанокот на ОПЕК во Виена во 1975 г., меѓу нив и претставникот на Венецуела, Валентин Хернандез Акоста, што го изврши западногерманската терористичка група Бадер-Мајнхов, позната и како Фракција на Црвената армија.Неговите поддржувачи од кои повеќето се притаија во секуларни тајни кругови пред неговото апсење во 1994 г. во Судан, подоцна конвертираат во ислам и се смета дека се координирани од ирански мула. За тоа време Карлос во затвор во Франција се жени со својата париска адвокатка, Изабел Котан Пеиер.Во една книга објавена во 2003 г., тој изрази и пофалби за Осама бин Ладен , нарекувајќи го „светол“ пример и карактеризирајќки ги нападите на Ал Каеда од 11 септември како „голем вооружен подвиг“./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.