Свет
Светска банка: цените на храната достигнаа опасно ниво
Светската банка денеска соопшти дека цените на храната се на „опасно ниво“ и турнале додатни 44 милиони луѓе во тешка сиромаштија од минатиот јуни до сега, пренесува BBCСпоред последното издание на „Монитор на цените на храната“, за четири месеци, од октомври 2010 до јануари 2011, цените пораснале за 15 проценти. Инфлацијата на цените на храната многу диспропорционално ја почувствуваа богатите и сиромашните, при што вторите трошат преку половина од своите приходи на храна.„Глобалните цени на храната пораснаа до опасни нивоа и им се закануваат на десетици милиони сиромашни луѓе ширум светот“, вели директорот на Светска банка, Роберт Зелик во своето писмено обраќање до Г20 (група од 20 најразвиени и земји со брз развој), чии лидери треба да се состанат во текот на оваа недела во Париз. Зелик истакна и дека растечките цени на храната биле двигател и на немирите кои го зафатија Блискиот исток, иако не и главна причина. Наглиот раст на цените на храната во 2008 година предизвикаа немири во голем број држави. Тогаш Светската банка процени дека околу 125 милиони луѓе на светот живеат во екстремна сиромаштија. Сега Светската банка во својот извештај посочува дека цените не се на толку високо ниво – пониски се за три проценти – но, сепак, се за цели 27 проценти повисоки од пред една година. Во извештајот на Организацијата за храна и земјоделие на ОН (ФАО), објавен кон почетокот на месецов, се вели дека во јануари годинава цените на храната достигнале рекордно ниво. /крај/bbc/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум Палестинци загинаа, а 32 се ранети во израелски бомбардирања
Седум Палестинци загинаа, а најмалку 32 се ранети во израелско бомбардирање на блокираниот Појас Газа, јавува дописникот на ВАФА.
Тој рече дека израелските воени авиони извршиле серија воздушни напади врз северните и западните делови на бегалскиот камп Нусејрат, при што загинале четворица Палестинци, а 15 други се ранети.
Тој додаде дека израелски воени авиони извршиле три воздушни напади врз населбата Заитун во Газа, при што загинале три лица, а десет се ранети.
Борбени авиони го нападнаа и градот Џабалија и бегалскиот камп во северниот појас, при што беа повредени седум лица, меѓу кои три деца.
Во меѓувреме, израелската артилерија ги гранатираше бегалските кампови Ал-Буреј и Ал-Магази во централниот појас, населбите Тал ал-Хава, Шеик Ијлин и аз-Зајтун во градот Газа, како и кулата Шеик Зајед во Беит Лахиа.
Во јужната зона, артилерија нападна цивилни куќи во источниот дел на градот Кан Јунес.
Свет
ОН: Отстранувањето на експлозивните направи во Газа ќе трае 14 години
Канцеларијата на Обединетите нации за координација на хуманитарни прашања (OCHA) соопшти дека отстранувањето на бомбите и другите видови неексплодирани убојни средства во Газа може да потрае 14 години.
Според проценките на ОН, за време на војната низ Газа биле создадени 37,5 милиони тони урнатини, а поголемиот дел од нив бил расфрлан со бомби и други видови муниција кои не експлодирале, пишува ТАСС.
OCHA изјави дека околу два милиони луѓе, или половина од населението на Газа, нашле засолниште во Рафах, кои имаат потешкотии да пристапат до основните потреби како што се здравствена заштита, чиста вода и санитарни објекти.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.