Спорт
Реал во Лион, Челзи во Копенхаген
Минатата недела се одиграа четири натпревари во рамките на осминафиналето во Лигата на шампионите, останатите четири ќе се одиграат вечерва и утре.
Вечерва од 20:45 часот, Олимпик Лион ќе го пречека Реал Мадрид, додека Копенхаген ќе му биде домаќин на Челзи. Дуелот на „Жерлан“ ќе биде во центарот на вниманието на фудбалската јавност, францускиот тим е во подем, а се потпира и на традицијата, во трите соочувања во нокаут фазата Лион успевал да го мине Реал. „Кралскиот клуб“ со Жозе Мурињо оваа сезона има големи амбиции во Лигата на шампионите, во оваа натпреварување уште од сезоната 2003/2004 не стигнале подалеку од четвртфиналето. Челзи во двомечот со Копенхаген е апсолутен фаворит. Домаќинот последниот меч од натпреварувачки карактер го има одиграно пред два месеци и тоа несомнено ќе биде голем хендикеп за Копенхаген. крај/uefa/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нула во италијанското дерби
Фудбалерите на Јувентус и Милан одиграа без голови во дербито од 34. коло од Серија А. Нерешениот резултат му оди во прилог на Милан, црвено-црните имаат пет бода повеќе од Јувентус и извесно е дека ќе ја задржат втората позиција до крајот на сезоната.
Првиот дел донес ерамноправна ира на двете страни, без серизно шанси, исклучок е обидот на Влаховиќ, кој се закани од слободен удар, но Спритиело одбрани.
Во вториот дел Јувентус беа подобри на теренот. Спортиело го одбрани ударот на Костиќ, а потоа и обидот на Милик. Меѓу двете шанси на Јувентус, госѕите се заканија преку Лофтус Чик по одличен удар од далечина.
Најдобрата шанса на мечот Јувентус ја имаше во 86.минута, кога единствениот кикс го имаше голманот на Милан, но удаорт на Рабио од гол-линијата го одбрани Тиао.
Спорт
Билд: Рангник има договор со Баерн
Почесниот претседател на Баерн Минхен, Ули Хенес, откри дека клубот наредната недела ќе го соопшти името на новиот тренер, но највлијателниот германски медиуми „Билд“, тврди дека веќе е познато кој ќе го замени Томас Тухел.
Најторфејниот германски клуб од наредната сезона ќе го предводи Ралф Рагник. Како што пренесува „Билд“, во саботата е одржан уште еден состанок по кој двете страни си заминале насмеани, а извор близок до клубот од Минхен тврди дека Ралф Рангник веднаш по завршувањето на Европското првенство, каде ќе ја води Австрија, ќе го преземе Баерн.
Баерн ќе мора да плати отштета, бидејќи тренерот има уште две години договор со ФС Австрија. Според „Билд“, челниците на Баерн ќе треба да одвојат три милиони, додека платата на австрискиот стручњак во Баерн ќе биде околу седум милиони евра годишно.
Рагник с Баерн ќе потпише двегодишен договор.
Спорт
(Видео) Гринвуд ја испрати Алмерија во Сегунда
Хетафе, во 33.коло забележа победа во Алмерија 3.1 Со овој пораз фудбалерите на Алмерија и официјално испаднаа од шпанската Примера.
Гостите поведоа во 27. минута со голот на Мејсон Гринвуд, а израмни Чоко Лозано на четири минути пред крајот на првото полувреме.
Најдобриот играч на натпреварот, Гринвуд му ја врати предноста на Хетафе со гол по само три минути игра во вториот дел.
Откако постигна два гола, Англичанецот во 61. минута му асистираше на Хаиме Мата за третиот гол на Хетафе.
Во последните моменти од играта нервозниот Виеира доби црвен картон и во самиот финиш ја остави Алмерија со играч помалку.
За Хетафе ова беше втората победа сезонава на гостински терен. Тимот на Хосе Бордалас се наоѓа на деветтата позиција со 43 бода.