анти-владините сили, јавува AFP цитирајќи извори во врвот на безбедносните служби во Дамаск.

Сириската армија во средата ја презела контролата врз квартот Баба Амр во центарот на градот Хомс,  упориште на анти-владините сили, јавува AFP цитирајќи извори во врвот на безбедносните служби во Дамаск.„Оваа област е ставена под контрола. Армијата веќе почна со чистење и пребарување на квартот, куќа по куќа. Војниците претпазливо ги пребаруваат сите подруми и тунели во потрага по оружје и терористи“, изјавил соговорникот на агенцијата.Тој додал дека на тоа подрачје останале мали ткн „џебови“ на отпорот.Во квартот Баба Амр минатата седмица при бомбардирањето загинаа двајца западни новинари, Американката Мери Колвин и францускиот државјанин Реми Ошлик.Сириската опозиција тврди дека во интензивните бомбардирања од страна на режимските безбедносни сили врз Хомс во изминатите дваесетина дена загинале стотици цивили.Од своја страна, официјален Дамаск, тврди дека милитантите со минофрлачки оган од повеќе страни го гранатирале Хомс а потоа „фабрикуваат видео материјал за да се покаже дека гранатирањето врз населените квартови го вршат владините сили“.Според властите, ова се прави за да се „испровоцира странска интервенција во земјата“.Истоврмено, сириските власти не негираат дека во населбите и во близината на Хомс спроведуваат анти-терористичка операција.Во Сирија речиси една година не запираат анти-владините протести, коишто прераснаа во вооружени судири со владините сили. Секојдневни се извештаите  за убиства на цивили и униформирани лица. Според податоците што ги објавија Обединетите нации, вкупниот број на жртвите во земјата надминува 7.500 луѓе. Но на 15-ти февруари 2012 година сириската влада соопшти дека се убиени 2.493 цивили и 1.345 војници и полицајци, во периодот од 15-ти јули 2011 година до 18-ти јануари 2012 година. Сириските власти тврдат дека припадниците на сириските безбедносни сили се борат против терористи, добро вооружени бунтовници и дезертери, коишто се помагани од странство./крај/афп//мф/сн.