Регион
Озрачени неколку работници во белградска „Вична“
Пет вработени на српската државна компанија „Нуклеарни објекти на Србија“, (НОС) биле изложени на зголемена радијација на 19-ти април при извршување на задача за којашто не била издадена официјална дозвола, на работата во истражувачкиот нуклеарен институт „Винча“
За инцидентот кој се случил при отстранување на горивните прачки, надлежните органи дознале шест дена подоцна. Оваа операција била извршена без одобрение на српската Агенција за заштита од јонизирачко зрачење и нуклеарна безбедност, пишува белградскиот весник Политика.
Српските власти во врска со инцидентот биле официјално известени од страна на организаторите на работата во реакторот РА дури на 25-ти април, а јавност со штура информација еден ден подоцна. Во писмото упатено до заменикот премиер и министер за внатрешни работи, Ивица Дачиќ, се наведувало само дека вработените не добиле фатални, туку повисоки дози од зрачење, пишува весникот.
Според ексепрт кој сакал да остане анонимен, во близина на реакторот радијацијата изнесувала повеќе од еден сиверт на час, што за четири до пет часа претставува смртоносна доза за луѓето. Според информациите, работниците во близина на реакторот останале неколку минути, примајќи доза на зрачење од 40 до 100 микросиверти, додека пак максимална стапка изнесува 20 микросиверти на ден.
Претставниците на „Нуклеарните објекти на Србија“, како реакција на медиумските написи, соопштија дека нема причина за загриженост, како и дека дозата на зрачење на којашто биле изложени работниците изнесувала онолку на колку што се изложени „патниците за време на интерконтинентални летови“ на височина од 10 до 12 илјади метри.“
Институтот „Винча“ располагаше со два во поранешниот Советски сојуз произведени истражувачки нуклеарни реактори, кои веќе не се користат. Сепак, како што забележува Политика, во базенот со вода и специјални хемикалии, сé уште се чуваат горивните прачки.
На крајот на 2010 година Србија го испрати на утилизација во Русија потрошеното гориво од реакторот „Винча“ 8030, кое содржеше 2,5 тони ураниум./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.